Den presensia di sr Roy Martina, direktor di direktorado di Planifikashon i Desaroyo i sr Maurice Adriaens, hefe di departamento di Krio di Bestia i Agrikultura (LVV), diputado James Kroon a firma un kontrakt di renobashon di Matadero di Boneiru ku Quirina Marchena di DIMI Construccion.
Diputado Kroon a trese dilanti ku e proseso pa yega na e desishon final a tarda un tiki pero ku aki un aña Boneiru por ta orguyoso di tin un matadero kompletamente modernisá.
Finalmente diputado Kroon a felisitá tur esnan ku tabata envolví den e proseso i e ministerionan di Hulanda ku a para tras di e proyekto.
