Directie Infrastructuur en Planning (DIP) ta un departamento hopi importante pa desaroyo di Aruba. Sinembargo e departamento aki a wordo viola den tur estilo y pa diferente mando di tanto directornan y mandatarionan cu a haya e cartera di infrastructura.
Sinembargo awe por bisa cu DIP a manda e ultimo directo Jaime Croes cas un di e personanan cu mas daño a haci e departamento banda di Erol Sjak Shie cu tabata consehero y semi director. Ambos a keda apunta den pasado door di e reina di infrastructura Marisol Tromp tempo di MEP y tempo di POR a crea su klink bek pero no a logra su meta.
Actualmente DIP ta sin director pero tin un director interino cu ta drechando y haciendo e cosnan corecto cu tabata hopi putri y daña den DIP. Sinembargo na mes momento nos tur mester ta consciente cu violacionnan cu a keda haci durante añanan e herida y e daño cu e la causa no ta yuda di awe y mañan pero mester pasa un proceso pa atende tur e marcanan di violacion pa asina poco poco recupera y por ta bek riba pia como un departamento fuerte y cu ta cana segun principio y ley.
Jaime Croes e causante di a perhudica LandAruba y e pueblo di Aruba den diferente decisionnan cu e la tuma y diferente maniobranan cu a keda haci cu a perhudica un pais, pero mas cu claro esaki no a keda haci su so pero , comprometiendo cu pers stilte ta yega na acuerdonan pa por salba y scapa di suhedadnan cu a wordo haci como mandatario dos biaha di infrastructura. Tur esaki ta di lamenta, pero realmente pueblo mester haya sa kende nan ta e real cara di e tipo di politiconan aki paso mane hudas ta cana den comunidad y ta pretende cu no a kibra un copi y ta gaña pueblo tur dia coriendo campaña actualmente haciendo e mes un operacion di tur cos bao di un solo dak y cu 4 wowo.
Pero un berdad cu Aruba ta confrontando ta un departamento di DIP cu a keda viola unda cu un hende muhe awor aki na cabes cu no ta director ta bin ta haciendo un bon trabao poco poco pero sigur y segun ley pa por duna derecho na tur esunnan cu tin y pa drecha e departamento cu asina malo a keda trata door di directornan y politiconan, un departamento cu ta esencial pa e pueblo di Aruba.
Tambe parlamentario nan no por bin kere cu den un cera di wowo tur cos ta drecha pero e ta hiba su tempo. Por a tuma nota cu parlamentario ALvin Molina ta basta interesa den e departamento di infrastructura y te hasta ta durf di keha y ta sinti cu cosnan ta tarda, sinembargo unda molina tabata na momento cu mester a pone pia abao pa esunnan cu tabata masacra DIP ? , awe cu tin un bon persona ta na mando kier pone presion ? kico ta e motibo cu no a pone presion ora e apelnan putri tabata masacra e pais aki? Parlamentario Alvin Molina ta hopi laat pa awo cu cos ta cana bon pa pone un presion cu no mester pone, paso cosnan ta canando manera mester ta pero e ta hiba su tempo debi cu huridicamente esun cu ta na mando mester tene bon cuenta pa no wordo influencia y of kisas esunnan cu ta kere cu por a cumpra bao mesa antes por haci esaki awo no .
Parlamentario Alvin Molina e trein a pasa lagabo debi cu actualmente DIP ta un departamento cu ta den su momentonan di transitorio y esaki mester di su tempo y no presion. E presion mester a bin tempo apelnan putri tabata na cabes, awo ta laat.
Na momento cu un departamento ta den un momento di transitorio no ta asina asina ta basha firma, pero mester analisa, studia kico a pasa, mester bin cu maneho nan y mester wak bon prome cu saca cualkier documento, mester pone tur file den orde conforme ley den e departamento.
E trabaonan cu ta wordo haci den e ultimo tres luna nan ta rekeri masha hopi tempo di e team fantastico cu ta na DIP actualmente conhunto cu e mandatario concerni.
Tin hopi daño cu ex director di DIP Jaime Croes a haci y cu ta inseparabel, pero na mes momento ta asina descarado di ainda keda cobra e schaal di mas halto di salario den gobierno na cas y caminda cu otronan mester drecha su mal trabao cu e la haci pa aña nan largo y e mes dushi na cas ta ranca 10 mil florin tur luna di e pueblo aki y mas ainda a haci un desaster den e departamento den DIP. Con por ta posibel cu pueblo di Aruba y of parlamentario nan ta permiti y acepta esaki. ALvin Molina kisas esaki ta un tarea pa berdaderamente para fuerte na e fondo di e salario di un ex director pa Aruba haya esaki bek mirando cu banda di ta na cas e la ocasiona un blunder grandi den e departamento, esaki sigura ta algo inaceptabel.
Actualmente ni e miho director di mundo bin pa maneha DIP lo por haci milager di un dia pa otro di tur e dañonan cu e ex director di DIP Jaime Croes a ocasiona hunto cu Sjaksie y esunnan concerni unda cu hunto nan ta forma un bonchi.
For di Marisol Tromp MEP, Benny sevinger AVP ,Otmar Oduber POR y Marisol Tromp POR cualkier director cu sinta awe na cabes di DIP lo analisa huridicamente con lo reconstrui e departamento y tampoco no lo firma pa loco. No ta desconoci cu maneho nan desastroso y slordig a keda haci den e departamento di DIP. Pero porfin e biaha aki e situacion no ta bay ta mes un cos mirando cu tin un dama corecto sinta na cabes y cu no ta director pero cu ta haciendo un tremendo trabao pa drecha e departamento pa Aruba y cada ciudadano por tin mes un derecho y cu camindanan ta cana husto.
Entregamento di tereno por tarda un poco mas , pero lo e no ta e desaster cu tabatatin manera cu a conoce den e maneho nan anterior.
1 comment
[…] Source link […]