Den Mateo 11:28-29 Hesus ta bisa: Bin serca Mi tur cu ta cansa y carga y lo mi duna boso sosiego.
Tuma Mi yugo riba boso,y siña di Mi pasobra Mi ta manso y humilde di curason, y boso lo haña
sosiego pa boso alma.
Tin hopi carga cu hende ta carga riba nan curason, cu nan no por deal cune, pesey Hesus den su
misericordia ta bisa pa nos yega serca dje, pasobra E tin e capacidad di tuma e carga over, y duna pas y
seguridad.
Ta para scirbi den 1 Juan 1:9 : Si nos confesa nos picanan , E ta fiel y husto pa pordona nos, nos
picanan y limpia nos di tur inhusticia.
Pa yega na pordon , mester tin confesion, pasobra mientras cu nos no confesa tur cos, e pica ta keda
molestia nos consenshi.
Consequencia di esaki ta, hopi hende ta comete un delito y bay sera den prison y e ta sali y bolbe
comete mes un error, pasobra e persona aki no a confesa su pica, pa asina e por aparta y wordo libera
for di dje.
Dios ta para cu dos brasa habri pa pordona tur esnan cu arepenti y confesa nan pica, y asina acepta
Cristo Hesus den nan bida y cuminsa un bida nobo.
Dios no a manda su Yiu na mundo pa condena hende, sino pa salba hende, awor ora nos ta pretende cu
nos ta bon, ora nos ta wak otro hende y no ta wak nos mes, esey ta nifica cu nos ta lew for di e
caminda cu nos mester ta.
E enemigo di nos alma , cual ta e diabel kier pa nos keda biba den pica, drenta mas diep posibel den e
mundo di scuridad y no reconoce e plan di salbacion ( Juan 3:16) cu Dios a ofrece na henter mundo.
Tin hopi hende ta biba den pica ,pasobra nan ta pensa cu nan, divorcio, nan aborto, nan embaraso
hubenil,nan adulterio, etc, etc keto bay ta riba nan consenshi y Dios no ta pordona, pasobra asina
hende a bisa nan , pero e palabra di Dios ta bisa diferente:
*Salmo 103:3: Ta para scirbi: Kende ta pordona tur bo inikidadnan , Kende ta cura tur bo dolencia
nan.
*Salmo 86:5: Pasobra Abo, Señor ta bon, y cla pa pordona, y abundante den misericoria, pa tur esnan
cu ta sclama na bo.
*Salmo 103: 8 Señor ta yen di compasion y gracia, Kende no ta rabia liher,y ta abunda den
misericordia.
*Salmo 103:9 E lo no reprende pa semper, ni keda rabia pa semper.
*Daniel 9:9: Serca Señor nos Dios tin compasion y pordon, maske nos a rebeldia contra dje.
Pa cana den lus, pa nos tin bida eterna, pa nos ta un persona nobo, pa nos por wordo identifica como
siervo di Dios nos ta wordo pordona ora nos reconoce Cristo Hesus como Señor y Salbador.
No laga ningun hende bisa bo cu Dios no ta pordona bo, pero aserca Señor cu tur humildad y e lo tin
Misericordia y compasion di bo.
E enemigo semper lo keda acusa bo di bo pasado, pero e pordon di Dios, ta librabo di pica, y tambe ta
aparta pica for di bo bida, pasobra ora bo entrega bo bida completamente na Cristo pica ya no tin
dominio mas riba bo bida.( Romanonan 6:14).
Hopi hende ta cana cu problema di salud mental bao di engaño di diabel, y nan mester di nan
liberacion , cu solamente nan por haña den nomber di CrIsto Hesus, pasobra solamente Dios por
pordona pica.
Sinceramente, Pastor Marcel Balootje.