No perde tempo envidia un hende cu ta kere den Dios, pasobra hasta ora e ta na soño, Dios ta
bendicione.(Salmo 127:2).
*No perde tempo coba buraco pa un hende cu ta confia den Dios, pasobra nada cu por wordo intenta
contra dje lo no funciona, ni tampoco lo cambia e proposito di Dios den su bida.( Job 42:2).
Esun cu ta kere den Dios aunke e keda para su so, e lo briya manera solo, pasobra ta den Dios e ta
kere.
Kere den Dios tin un preis halto, pasobra e mundo y su maldad ta distrai hopi hende hinca nan den
skina di materialismo y orguyo caminda nan ta duda den e poder di Dios.
Bo no tin mester di a studia na universidad pa bo kere den Dios, pasobra Dios ta haci esnan cu ta sabi
den nan mes forsa bobo, y esnan cu ta kere den Dios, e ta duna un Spirito extraordinario.( Daniel 6:3).
Esnan cu ta kere den Dios ta wordo reconoce y aprecia pa Dios, pesey hopi biaha e mundo no ta
aprecia nan, pasobra nan pensamento ta diferente cu e mundo di scuridad.
E tempo ta yegando y awor lo bay wordo demostra ken tin Fe den boca y ken tin Fe den curason.
Hopi cu conoce Dios, no ta honra Dios, y hasta tin cu no kier reconoce, Su bondad, Su husticia, y Su
amor pa hende, y nan tin e curashi y nan tin e tribilidad di cambia Su berdad pa un mentira.
Bo tabata sa cu envidia a yega asina lew cu hende ta keda keto pa no reconoce e grandesa di Dios, pa
no habri nan boca y bisa, ki grandi Dios ta, y cu Dios ta maraviyoso.
Bendiciona ta tur esnan cu ta kere den Dios,pasobra nan ta victorioso, na Fe lo habri porta pa nan, nan
confiansa den Dios ta e cusinchi di trankilidad cu nan ta drumi riba dje anochi.
Ta un Dios so tin , e ta Santo, Digno Y Poderoso, bo no por sirbi Dios , sino bo no hacie manera Dios
kier, esnan cu ta for di Su boluntad no por sirbi Dios,
Ta dificil biba pa Dios, mientras cu porta y bentana di mundo ta hancho habri den bo bida, mientras cu
idolatria ta ronca, y duda ta biba den bo curason.
Ta dificil sirbi Dios mara na cosnan bieuw cu no ta edifica den nada, ta dificil sirbi Dios, cu un
curason yen di odio, amargura, y arogancia, mientras cu Dios ta demanda humildad di nos, pasobra
Dios ta stima hende humilde.( Santiago 4:6).
Cielo y tera lo pasa, mas e palabra di Dios lo no pasa, ora Dios ta bendiciona, ningun hende por
maldiciona, ora Dios ta recomenpensa fieldad, hasta diabel su boca ta keda habri , pasobra nos Dios ta
fiel.(Job 42:10).
E maldabo lo sinta y spera caida di esnan cu ta kere y confia den Dios, pero e Solo di husticia lo briya
riba nan y Dios mes lo defende esnan cu ta kere den Dios.
Forno di candela y cueba di leon , no por a detene esnan cu ta kere den Dios, Dios ta purba esnan cu e
ta stima, pasobra prueba ta trece crecemento, cada prueba ta un stap mas pa crecemento, pa asina nos
por sirbi Dios cu mas fieldad.
No ta momento pa hende duda, pero ta momento di arepenti y kere den Dios, pasobra Dios mes ta
cuida, proteha y bendiciona esnan cu ta kere firmemente den Dios.
Dios ta amor .
Sinceramente, Pastor Marcel Balootje.