Den nos bida diario hopi circumstancia por presenta, pero pa cada circumstancia cu presenta, Dios tin un salida na bo bienestar, pesey ora problema presenta den bida, nos tin di hala serca Dios, y no corre bay lew for di Dios.
Laga nos haci manera Job a haci ( Job 1:9-10) den tur su sufrimento Job no a peca cu su lipnan e a keda confia Dios y e a sali beneficia.
Hopi ta e aflicionnan di e husto, ma Señor lo libre di nan tur.( Salmo 34:19). Pasobra e hende hustu ta cay shete bes,y ta lanta atrobe, ma e malbadonan ta trompica den tempo di calamidad.( Proverbionan 24:16).
Pa un hende tin pas den su curazon e no por biba a base di comentario di hende, pasobra satanas ta usa hende pa herida hende, e ta drenta den bo circulo di amistad pa wak ken e por usa pa tumba bo, pero ora bo bista ta riba Dios, y bo confiansa ta den Dios ningun diabel di fierno, por tene bo abao.( Josue 1:5).
Envidia y egoismo no tin frontera, awe bo trata un persona bon y mayan cu Dios kier ingratitud ta presenta, y e mes un persona ta haci malo contra bo, no laga esey descurasha bo, corda cu nos tur ta yama pa nos tin e mesun actitud cu tabatin den Cristo Hesus.(Filipensenan 2;5). No laga ningun hende, tampoco ningun situacion, domina bo, pone bo cay den depresion, pasobra asina e palabra di Dios ta papia na bo fabor y ta para scirbi; Pesey considera boso yamada,rumannan, cu no tabatin hopi hende sabi segun carni, ni hopi hende poderoso,ni hopi hende nobel.
Ma Dios a scohe e cosnan bobo di mundo pa brongosa e cosnan cu ta fuerte. Y e cosnan baho di mundo y esnan despresia, Dios a scohe, e cosnan cu no ta nada,pa E haci e cosnan cu ta algo bira nada, Pa ningun hende no gaba dilanti di Dios. Pasobra door di dj’E boso ta den Cristo Hesus.
Kende a bira pa nos sabiduria, for di Dios, y husticia y santificacion y redencion.
Pesey manera ta para scirbi : laga esun cu ta gaba, gaba den Señor.(1Corintionan 1:26-31). Testimonio di bida di tur mayor ta di gran balor pa nan yuinan, pasobra for di e testimonio ey nan por siña con grandi e amor di Dios por ta pa bida di hende. Dios ta capas di pordona tur pica y cura tur malesa (Salmo 103:3), pesey ta masha importante pa nos yuinan sa for di kico Dios a libra nos, y con nos a logra den bida a base di yudansa di Dios, no cu nos mes forsa, pasobra pega na Dios nos por tur cos.( Juan 15:5+6).
Corda bon locual e Palabra di Dios ta bisa cu bo tin, y kere den dje: Den dj’E nos tin redencion pa medio di Su sanger , e pordon di nos picanan, segun e rikesa di Su gracia. Ningun hende mester keda mara den e mundo di inmoralidad, scuridad, bruheria etc, no haci ningun pacto cu diabel, no mara bo mes cu hende, tampoco forma parti di compromiso satanico, pero para firme pasobra Dios mes lo cuida bo, no baha cabes pa maldad, inmoralidad y idolatria. ( Daniel 6:21-
22). Aunke con scur bo pasado tabata, bo no debe diabel nada, Cristo Hesus a claba bo debe riba e crus na Golgota.( Colosensenan 2:14-15). Awor mas cu nunca ta tempo pa lanta riba , alaba Señor, para firme cu bista riba e binida di Cristo Hesus nos Señor y Salbador,