Mirando riba caya prinsipalmente na playa tin un cantidad di mondkapje benta riba caminda. Cada stap cu dal y of den cada skina cu yega ta mira uno. Esaki sigur ta un situacion desagradabel di e inresponsabilidad di esnan cu ta laga e mondkapjenan dies benta riba caya. Aruba te ainda ta un pais cu tin mayoria di su cayanan y prinsipalmente den e parti centrico limpi. Esaki ta loke nos turistanan tambe gusta. Sigur ta importante pa haci apelacion na comunidad di Aruba si bo tin bo mondkapje no lage benta riba caya pero percura e ta den un bari, no mester lubida cu nan tambe ta sosotene e virus pafo y bo no sa nunca kico ta e daño cu ta laga atras. Ban ta mas consiente y no laga bo tapa boca benta riba caya.
Diferente tapa boca benta riba caya
