Diabierna atardi pasa di 5:30 central di polis ta wordo notifica di un problema adando na un cas na Mandolinstraat den Dakota.
Patruya ser manda na e sitio di incidente. Un rato despues ta drenta un melding cu lo tin homber hinca na Olijfistraat. Central di polis ta despacha mas unidad di polis enconexion cu situacion a bira tenso y ta drenta melding di otro persona hinca den Pindastraat. Un di e personanan herida su situacion a cuminsa empeora na unda cu a dicidi di transporte e victima cu patruya di polis y conhuntamente cu mas unidad a habri caminda pa asina por yega mas pronto posibel hospital.
Departamento di recherce a presenta como tambe polis technico pa asina haci nan investigacion.
Polis ta informa cu tin te cu awo 1 persona deteni, un cuchiu como tambe 2 auto confisca pa cu e caso encuestion na Cashewstraat y Mandolinstraat.
Den oranan tempran caba tabata tin problema andando na unda cu 2 hoben mester a wordo herida cu machete.
Cuerpo Policial ta haci un apelacion na personanan cu sa algo of a mira algo pa yama e tiplijn di polis cu ta 11141.
Update : un di e victimanan ta den ICU.
3 otro victimanan ta stabil.
