Manera ta conoci partido Demokrak a pidi pa re conteo di voto di e eleccion ultimo na Boneiro.
Esaki a resulta cu tin diferente cifranan cu no ta cuadra. Gezaghebber interino Nolly Oleana tin e tarea aki, mirando cu Gezaghebber Edison Rijna ta den exterior. Ta trata aki di re conteo di partidonan cu a bay eleccion cu ta Lista di MPB-DEM-UPB-Union pa Pueblo-M21- URB.
Un di e disgustonan cu tin riba e Re conteo ta esun na jong Bonaire cu tin dos urna 1 y 12, den e re conteo a conta nan hunto enbes di separa. Esey ta e prome situacion cu no a cay den bon tera.
Tambe den e re conteo un cantidad di 1335 hende tabatin volmacht pa vota pa otro hende cual ta un porcentahe basta halto compara cu aña nan anterior.
Den e conteo prome tin un cantidad di 1114 cu ta voto valido. Sinembargo den e re conteo tin otro cifranan
Voto valido 10232
Blanco 118
Invalido 174
Total 10524 cu tin derecho di voto.
Ta cifranan cu tampoco no ta cuadra den su totalidad.
Gezaghebber Nolly Oleana a pidi un schorsing pa por reuni cu su team pa asina dicidi kico ta e fayonan administrativo cu tabatin den e prome conteo compara cu e re conteo.
Segun gezaghebber Nolly Oleana e conteo dia 16 y di e re conteo dia 23 di maart 2023 no tin mucho diferencia y no lo haci diferencia riba e resultado.
Sinembargo tambe a pone bon cla cu fayonan por keda cometi y fayonan a ser cometi administrativamente. Tambe Gezaghebber a pone enfasis cu no tabatin fraude pero foutnan administrativo.
Tambe tin diferente problema na momento cu e buzonnan a sali di urnanan pa yega na e luga di conteo, algun ta mara y algun no, segun lider di Demokrat Clark Abraham.
Tur esaki nan a trece duda riba conteonan di votacion na Boneiro actualmente.
Lider di partido Demokrat no ta contento riba esaki y a pone un bezwaar mirando cu derecho di cada ciudadano cu a vota mester keda respeta.
Cu esaki te na e momentonan aki Boneiro no por forma su conseho insular pa por forma su gobierno.
