Tin hopi trabou pa haci y e gobierno di MEP mester por sigui cu continuacion di e plan cu a scapa Aruba di debe y a yuda Aruba stabilisa. E transformacion di e refineria na San Nicolas ta bay bira un realidad. Tur e parti cu no ta wordo uza mas lo keda completamente desmantela y e parti bon lo wordo redesaroya. Minister di Labor, energia y integracion Glenbert Croes ta duna di conoce cu e parti unda e tankinan ta lo inverti den nan. Aunke eleccion a bin mas trempan pa sorpresa di tur, e planificacion mester cana segun e rooster pa redesaroya e refeneria.
Minister di Labor, energia y integracion Glenbert Croes ta splica cu lo bin e refineria hidrogeno Hydrogen Valleys, Eagle LNG y alabes lo bin un Puerto crucero pa San Nicolas. E Proyecto pa e Puerto Crucero pa San Nicolas ta bay ta un proyecto sumamente bunita pa San Nicolas, ya caba a sinta cu diferente grupo pa por haci esaki posibel.
E proyecto di e Puerto Crucero pa San Nicolas ta un proyecto di Minister Dangui Oduber pero ta traha cu diferente gruponan di interes pa asina tin un proyecto cu Aruba ta beneficia di dje y na mes momento desaroya un parti di Aruba cu tabata solamente refineria pa basta aña largo. Tambe lo traha cu companianan cu credibilidad halto pa sigui desaroya Aruba manera gabinete Wever Croes a compromete pa haci. Berdad Aruba a pasa den momentonan duro debi na e Pandemia , pero awo cu Pandemia a pasa bay e bunita proyectonan cu tin planea pa Aruba ta bay bira un realidad.
Segun Minister di Labor, energia y integracion Glenbert Croes tambe tin un proyecto na rincon pa loke ta trata e molinanan di biento, tambe ta traha riba un parke solar di mas grandi den region di Aruba cu lo ta keda poni riba e tereno di e refineria. Tambe vaderpiet lo ricibi mas molina mas grandi, esaki ta diferente di e proyectonan y na mes momento ful un transformacion di e tereno di refineria y tambe e partinan cu ta bay wordo habri pa asina e downtown di San Nicolas ta mas grandi y na unda cu lo bin un plaza y proyectonan residencial.
San Nicolas lo bay conoce un desaroyo hopi positivo y hotel Secrets ta e inicio cu lo habri porta pa mira e turismo na San Nicolas tambe crece. Esaki lo trece un desaroyo economico positivo den centro di San Nicolas.
