Durante luna di mei, Tourism Corporation Bonaire (TCB) a duna rekonosementu na diesun bishitante komo embahador di Boneiru den kategoria di bròns, plata i oro.
Den kategoria bròns a rekonose Lee Steichen i Robyn Schacherer ku ta bishitando Boneiru pa 12 aña i tambe na Timothy i Regina Manville pa nan di 10 aña di bishita na Boneiru. Durante di nan entrevista nan a duna di konose ku nan ta enkantá ku Boneiru su bida marino i su kondishon di tempu, pero prinsipalmente e hendenan amabel di Boneiru.
Otro bishitantenan ku a haña rekonosementu ta Alejandra Rosa i Javier Setau prosedente di Argentina, i e parehanan Robert i Monica Gabbard i Jeannie i Robert Arnold prosedente di Merka. Nan tur ta bishitá Boneiru pa 15 aña kaba i nan a keda honrá ku un feneta di plata.
Un feneta di oro a keda otorgá na Tim Schaeffer prosedente di Merka ku ta bishitando Boneiru pa 20 aña.
Pa TCB, Virgy Balentin, Rishuena Sint Jago i Helen Mercera a hasi entrega di sertifikado i e fenetanan korespondiente na nos embahadornan nobo.
1 comment
[…] Source link […]