Diesshete studiante ta ricibi certificado HACCP reconoce pa OWCS

Riba diamars ultimo na Curaçao  17 trahado di catering a ricibi nan certificado HACCP for di presidente di Departamento di KHN di Corsou, Tarzeno Cirkens,minister di Ministerio di Desaroyo Economico (MEO) Ruisandro Cijntje y minister di educacion, ciencia, cultura y deporte di Corsou (Owcs) Sithree van heydoorn.

Circkens a indica den su discurso cu e vision di KHN Curaçao ta pa mehora e servicio y calidad di Higiena y siguridad den e industria hotelero.  Elevando Esaki na un nivel internacional standard (HACCP). Tanto Minister van Heydoorn como minister Cijntje a indica cu turismo ta un di e pilarnan economico mas importante di Curaçao y cu e capacitacion NA HACCP ta contribui na e nivel di servicio y e experiencia cu nos ta duna nos turista y poblacion local.

Siguridad di cuminda y higiena ta di sumo importansia. Durante E entrenamento aki, duna door di  SHSC Curaçao, e studiantenan a siña tur cos tocante higiena y siguridad den e negoshi di restauracion, pa nan por garantisa siguridad di cuminda. E certificadonan cu e studiantenan a ricibi ta reconoce pa Ministerio di Educacion, ciencia, cultura y deporte di Corsou (owcs). E presidente di KHN Curaçao ta felicita tur studiante pa nan certificado y ta spera cu mas trahadonan di hospitalidad lo sigui e capacitacion HACCP.