Na luna di aprel último, Tourism Corporation Bonaire
(TCB) a rekonosé diesdos bishitante komo embahador di Boneiru, esaki den
kategorianan bròns, plata, oro i platina.
A honra Tina i Diethard Wagner di Oustria ku feneta di bròns i oro pa
respektivamente 10 i 20 aña di bishita na Boneiru.
Jolijn Middelhof di Hulanda ta keda sorprendé ku su rekonosementu pa ta bishitando
Boneiru pa 15 aña konsekutivo. Tabata su amigunan bibá na Boneiru, entre nan
Muys Cieremans i Huub Groot ku a sorprendé Jolijn ku e rekonosementu aki.
Famia Barclay, konsistiendo di Ian, Christopher, Timothy i Claire a risibí nan
rekonosementu pa ta bishitando Boneiru pa 18 aña konsekutivo. Tantu famia
Barclay komo Jolijn Middelhof a risibí feneta di plata pa e okashon aki.
Lester Knutsen, Mike i Kathie Nelson tambe a risibí e distinshon aki pa
respektivamente 20 i 21 aña bishitando Boneiru. Nan a risibí feneta di oro na e
okashon aki.
Pareha Donald i Barbara Treue di Oustria tambe a keda rekonosé pa nan di 41 aña
di bishita na Boneiru. Nan yu muhé Melissa Hilgers bibá na Boneiru a sorprendé nan
ku e honor aki. Nan a risibí un plakat di platina.
Pa TCB Helen Mercera-Thodé a ofisialisá tur seremonia, otorgando tambe e
fenetanan i plakatnan na nos embahadornan.
