ORANJESTAD,Aruba
otro a hasi palabrashon pa estudionan di MBO supsidiá i tambe pa e edifisio nobo ku mester konstruí pa e sekshon di MBO di SGB. Asina hende for di region por sigui desaroyá nan mes den un ambiente di siñamentu profeshonal.
Ministerio di OCW ta invertí den enseñansa profeshonal riba e islanan. E enseñansa aki ta pa studiante di Boneiru mes i tambe pa personanan di e otro islanan ku ta dominá e idioma hulandes sufisientemente. Ta trata por ehèmpel di: alumno ku aktualmente ta kambia di enseñansa sekundario pa MBO, personanan ku a stòp anteriormente ku nan estudio, personanan ku ta traha (partaim) òf ku nèt awor pa motibu di e krísis no tin trabou mas. For di diferente estudio atministrativo, tékniko i di servisio, nan por skohe e estudio di MBO ku ta pas mihó serka nan.
Pa mayoria di estudio tin dos posibel ruta di studia: ‘Beroeps Begeleidende Leerweg’ (BBL) i ‘Beroepsopleidende Leerweg’ (BOL). BBL ta enserá ku e studiante banda di siña, ta bai traha tambe pa un gran parti di tempu den e área di e profeshon. BOL ta enserá ku e studiante pa e parti di mas grandi di tempu ta studia teoria i despues ta sigui un stazje pa haña eksperensia den práktika.
E estudionan di MBO Bonaire ta konektá eksaktamente ku komèrsio i industria. Un bon ehèmpel ta e estudio di ICT, kaminda e alumnonan den e ruta di estudio BBL, banda di nan edukashon ta haña eksperensia tambe den práktika na e departamento SSO di RCN. Pa otro estudio tambe tin rutanan di estudio BBL kaminda por haña eksperensia serka dunadónan di trabou riba e isla. Banda di e echo ku e alumnonan mesora ta link teoria i práktika i ta haña eksperensia den esaki, e kompanianan por haña supsidio di gastu di salario pa e alumnonan ku ta siña i traha bou di guia serka nan.
E tim di OCW den e área Karibense ta hasi un yamada na esnan interesá tantu na Boneiru komo Saba, Sint Eustatius, Aruba, Kòrsou i Sint Maarten pa, den e tempu difísil aki no pèrdè kurashi sino hustamente hasi uso di e oportunidat di sigui un estudio ku ta pas bon serka nan. Asina nan por perfekshoná nan konosementu mas aleu i bira mas ampliamente disponibel den futuro
