Tur oficina lo ta cera.
Diaranson, dia 5 di october 2022, Departamento di Impuesto lo ta cera henter dia pa publico, debi na trabou di mantencion inespera y urgente cu mester tuma lugar na e sistema di airco di e edificio. Como consecuencia, e departamento lo no por brinda servicio na su oficinanan na Camacuri, MFA y San Nicolas.
Alabes, e portal ‘BO impuesto’, e formularionan digital inclui e trafico di e-mail lo no ta disponibel pa motibo cu lo mester baha e sistemanan digital pa evita cu e ekiponan por daña.
Diahuebs, dia 6 di october, tur oficina lo habri bek pa brinda servicio na publico manera custumber. Igualmente tur servicio digital tambe lo ta disponibel.
Departamento di Impuesto ta pidi disculpa pa e inconveniencia inespera aki y lo t’ey pa brinda un servico completo bek riba diahuebs.
