Djaluna 5 di aprel tur hende riba 18 aña por kuminsá registrá pa bakuna. Por hasi esaki via sistema digital www.bakuna.cw òf number 9345.
Te awe mainta 10or, 15755 a pasa e bakuna kontra di Covid-19.
Djaluna awor ta bai kuminsá bakuná for di Sambil. Ta spera ku por bakuna 1500 hende pa dia.
Tur hende ku tin sita 3 di aprel na poli (bieu), ta bai keda transferí na Sambil i esnan ku tin sita na Ana Paviljoen lo keda manda na poli bieu. E notifikashon aki ta keda informá na tur hende.
Aktualmente tin 90 hende den hospital di kual 26 ta den kuido intensivo. E sifra aki ta alarmante i ta pensa dentro di poko ta bai SEHOS ( Hospital Bieu) pa asina por tin mas kama. E edatnan ta varia entre 40 pa 60 aña.
Normal bo mester haña e di dos dosis dje bakuna despues di 3 siman pero awor ta bai hala esaki 5 pa 6 siman. Esaki por buta ku mas hende por haña e promé dosis dje bakuna.
Bo por haña Covid-19 bèrdat si bo tin 1 dosis so den bo kurpa. Ta importante pa kanselá bo sita pa e di dos dosis si bo tin Covid-19.
2 siman despues di e di dos bakuna e ora ei bo por bisa bo ta bon proteha di e bakuna di Pfiser.
1 comment