Dialuna awo mester cuminsa entrega formulario di scol segun “schedule di entrega

ORANJESTAD,Aruba

Manera ta conoci den luna di october tur persona entre 3 te cu 24 aña cu ta den bijstand y cu ta bay scol regular durante dia, tin e posibilidad di haya un ayudo financiero extra. E ayudo financiero extra ta wordo paga un biaha so y ta consisti di dos parti:

1. ‘Schooluitkering’ (Subsidio Escolar).
2. ‘Ouderlijke Bijdrage (Contribucion di Mayor).

Entrega di formulario di scol segun “schedule di entrega”

Despues di a busca e “formulario di scol” na e scol concerni, e mayor mester trece e formulario yena hunto cu e carnet di bijstand na oficina di Departamento di Asunto Social Oranjestad, segun e “schedule di entrega” cu a haya hunto cu e formulario di scol, cuminsando otro siman dialuna 21 di september 2020 te cu diabierna 25 di september 2020, entre 8:00 am te cu 11:30 am y di 1:30 pm te cu 4:00 pm.

Tene bon na cuenta

Tene bon na cuenta cu si no entrega e formulario di scol segun e schedule cu a ricibi, esaki lo trece e siguiente consecuencianan:

• E bijstand lo
• E bijstand di luna di october 2020 lo wordo blokia.
• No lo ricibi e ‘toelage’ mensual di AWG 250,- pa yiu(nan) entre 3 cu 24 aña cu ta bay scol, te ora presenta cu e formulario di scol y ora e wordo adapta, e ta sosode sin forsa retroactivo.
• Si bo trece e formulario di scol despues di dia 25 di september 2020, tene na cuenta cu bo ta perde e derecho di e ayudo financiero extra di ‘Schooluitkering’ y Ouderlijke bijdrage pa e aña escolar 2020/2021.
• Despues di haci e ahustacion necesario, bo lo haya solamente e ‘toelage’ di AWG 250,- mensual.

Si acaso tin un miembro di famia cu no ta bayendo scol y ta riba 18 aña, e lo mester cuminsa cumpli cu DPL, pesey nos ta pidi tur miembro di famia cu ta bay scol pa busca, yena y entrega e formulario di scol 2020-2021. Tambe si tin un miembro di famia cu ta den bijstand, cu ta riba 24 aña y cu ta bay un scol regular durante dia, mester busca y entrega  e formulario di scol prome cu diabierna 25 di september 2020.

Final

Departamento di Asunto Social ta pidi pa tene bon cuenta cu e rekisitonan, cumpli cu esakinan segun e “schedule di entrega” y no warda te e ultimo dia esta diabierna 25 di september pa trece e “formulario di scol”. Di e forma aki bo ta evita cualkier situacion menos agradabel den luna di october 2020.

Si tin pregunta of ta desea di sa mas informacion por tuma contacto cu Departamento di Asunto Social su seccion di bijstand na telefon 528-1110 of ‘like’ nos pagina di Facebook “Departamento di Asunto Social” y keda bon informa.