Na Archivo Nacional Aruba a tuma luga un conferencia di prensa. Directora di UNOCA Ray-anne Hernandez ta elabora riba un simposio den conhunto cu partnernan den coalicion ta organisando. Na September ultimo e plataforma coleccion Aruba a lansa e website coleccion.aw oficialmente.
E website ta basta popular e ultimo lunanan prome cu e la keda lansa oficialmente na september. E website ta un plataforma cu por busca y haya informacion tocante Aruba. Na momento cu a cuminsa cu e website tabatin tres partner cu a cuminsa hunto cu e proyecto, esaki ta UNOCA, Biblioteca nacional y Archivo Nacional, pero awe por bisa cu tin un cantidad di 11 partner cu ta formando parti awo.
Ta trata di instancianan gubernamental y no gubernamental ta pone nan informacion historico, cultural riba e pagina pa asina por haci cu e informacion ta mas accesibel pa comunidad di Aruba y mundo.
E simposio ta bay ta uno caminda cu ta bay trata e herencia digital di Caribe Hulandes. Dia 8 di April cu ta dialuna awo lo lansa e website dinobo , pero den un bachi nobo, cu esaki kier bisa tambe cu e website aki ta unico den Reino Hulandes y por tribi di bisa di mundo. Tin hopi aspecto cu ta haci e website diferente. Por mira den documentonan bieu y por uza inteligencia artificial pa lesa textonan cu normalmente anos di e generacion aki no por lesa mas , pero e sistema di inteligencia artificial por duna e acceso aki. Tin colaboracion special tambe cu partnernan rond mundo tanto na Merca, Europa y den Reino Hulandes tambe.