Dialuna awo Gobierno tin huramentacion di Gabinete Wever Croes II

Awe oficialmente formador di gobierno a anuncia e minister nan y e carteranan cu nan lo bay carga. despues di 76 dia despues di eleccion formador Evelyn Wever Croes a keda cla cu formacion di Gabinete Wever Croes II.
Esaki ta pa prome biaha cu un gobierno ta tarda asina hopi pa por forma. Sinembargo esaki no ta dies un temporada largo, pero cu e percura di pone e candidatonan cu ta mas miho posibel pa cada posicion cu nan ta haya. Tambe tabatin reunionnan basta extenso cu stakeholdersnan cu a tuma luga pa asina tin un bista mas amplio di e situacion di Aruba y con e gobierno lo bay atende pa traha e plan y guia e pais unda cu e mester bay pa ta miho para.
Formador Evelyn wever Croes a anuncia e minister nan. 1. Ursel Arends Minister di integridad , Naturalesa, Transporte y Cuido di nos grandi nan y alabes Vice prome minister. 2. Xiomara Maduro Minister di Finansas, Cultura y di dos Vice prome minister,3.Geoffrey Wever Minister di Asuntonan Economico, Comunicacion y desaroyo sostenibel, 4. Rocco Tjon Minister di Husticia y Asuntonan Social,5. Endy Croes Minister di enseñansa y deporte 6. Glenbert Croes Minister di Labor, Integracion y Energia. 7. Dangui Oduber Salubridad y Turismo, 8. Guilfred Besaril Minister plenipotenciario cu lo bay Hulanda bek den su mes un puesto, 9. Evelyn Wever Croes Minister di Asuntonan General , Innovacion , Organisacion Gubernamental, Infrastructura, Planificacion Teritorial y alabes prome minister. Edgar Vrolijk lo bira presidente di parlamento unda cu e lo guia e reunionnan cu mester tuma luga den parlamento. E huramentacion lo tuma luga na cas di gobernador unda cu un pa un lo huramenta y despues dilanti parlamento Aruba lo por ta presente y felicita Gabinete Wever Croes II cu nan reto nobo pa guia Aruba e siguiente 4 añanan.