E departamento di “Social Work and Development” di e facultad di Arte y Ciencia na Universidad di Aruba a organisa un dialogo publico riba e topico ‘Ban Papia di Obesidad y Sobre Peso’. E dialogo publico aki ta parti di e exposicion ‘Cuadro di Problemanan Social y Solucionnan”, na UNOCA.
Clementia Eugene Lecturer di departament of social work & Development faculty of Art & Science na universidad di Aruba ta duna di conoce cu e tabata un anochi hoip informativo.
E studiantenan di Social Work and Development na universidad door di e programa di Social Work and Development mester trece un bista di e problemanan social di Aruba y nan mester saca un potret y splica loke bou di nan wowo ta mira kico ta e problema of e solucion cu nan ta mira riba e area aki.
E studiantenan mester a trece padilanti e causa di e problema pero na mes momento trece un solucion. Den e klas na universidad di Aruba tin 16 studiante y via di e potretnan cu nan a saca a Sali afo cu Aruba tin un problema di obesidad. Pesey mes a bini hunto den un anochi pa por papia mas riba e problematica di obesidad di Aruba tin y dialoga cu expertonan y tambe e comunidad di Aruba cu tabata presente e anochi aki.
Segun Clementia Eugene Lecturer di departament of social work & Development faculty of Art & Science na universidad di Aruba di e manera aki universidad di Aruba ta comunica cu e sociedad y pa asina universidad di Aruba tambe ta conecta cu e comunidad di Aruba.
Den e trayecto aki por bisa e studiante ta siña mas di e sociedad , pero tambe e sociedad ta siña di e studiantenan.
