Diahuebs awo lo ta bay tin un Openbare bijeenkomst di e grupo di gremio cu ya caba a keda atendi den comision, esaki ta e grupo di gremionan cu tin bezwaar riba loke ta e ley di BBO na frontera. Parlamento den e caso aki lo yama tur e gremionan aki pa mira con a sigui cu e desaroyo despues di e reunion na unda cu nan a sinta cu DIMP,ADUANE pa haya splicacion di e ley di BBO na frontera mas detaya y si nan tin pregunta pa nan por a haci esaki tambe y si tin diferente inkietud nan pa esaki keda resolvi riba nan dudanan cu nan tin riba e ley di BBO na frontera. E reunion aki ta keda yama pa wak con e proceso a sigui despues y si tur gremio tin un miho bista riba e ley.
Segun Presidente di parlamento Edgar Vrolijk esaki no ta algo normal mirando cu normalmente ta atende cu e problemanan aki den comision, pero den cuadro di transparencia ta hacie den su totalidad habri pa pueblo wak tambe cu e grupo di gremionan a haya su atencion no solamente di parlamento pero tambe di e instancianan di gobierno cu ta esunnan cu ta conseha e minister y asina pueblo por mira di su mes tambe cu e ley aki a cana den un proceso serio pa wordo implementa.
Sinembargo pa parlamento tambe ta importante pa sa kico a ser haci y kico ta nan preocupacionnan. DIMP a contesta tur e preocupacionnan di ATIA y hopi di nan a compronde mas profundo kico ta e BBO na frontera y con ta registra esaki.
Segun Presidente di parlamento Edgar Vrolijk loke cu nos tur mester compronde ta cu gobernantenan mester tuma un decision pa Pais Aruba mirando cu tin un debe pa paga ni cu nos cay ariba cay abao Aruba mester paga esaki. Den e mes un proceso aki Minister di finansas ta carga su responsabilidad na e decisionnan cu e ta tuma kisas no ta decisionnan mas popular pero si na beneficio di e pueblo riba termino largo. Pesey mes diahuebs awe 22 di juni lo tin e reunion cu e gremionan cu a solicita pa sa mas di e ley di BBO na frontera.
Pa loke ta trata e ley mes ki dia e ta keda trata den parlamento tur cos ta depende con e caminda ta sigui mirando cu ya caba e preguntanan di cada parlamentario a ser manda pa gobierno abase di tur e reunionnan cu a ser tene cu e gremionan. E contestanan gobierno mester contestanan y unabes cu e contestanan ta cla,parlamento ta cla pa pone e reunion publico den parlamento pa trata e ley mes di BBO na frontera.
Banda di esaki parlamento lo bay cu reses dia 6 di july y e agenda ta yen yen den e dos simannan aki prome cu reses y esaki ta significa cu e espacio pa trata leynan mes practicamente lo no ta alcansabel mas prome cu reses.
Aunke cu e ley mester keda implementa pa prome di juli no ta mira cu esaki ta wordo alcansa, pero segun presidente di parlamento Edgar Vrolijk no ta tur ora tin tur cos den nos man y esaki ta significa cu e fecha pa e ley keda introduci por cambia sea ta prome di augustus of prome di september, tur cos ta depende con henter e situacion ta cana.
E ley lo keda trata y e paar di lunanan cu e ley ta cay atras mester por tin espacio pa recompensa esaki den cuadro di gobierno mes. Cu e ley mester keda trata esey ta un echo
Click aki bao like y share 👇🏽
1 comment
[…] Source link […]