E lo wordo transmiti via di HIT94FM en cadena cu 24ora.com , livestream,Facebook.
Cuminsando for di 6am-3pm lo tin Alabansa, Adoracion, Palabra di Dios,y hopi Oracion pa tur esnan den necesidad.
Esaki ta e 3 numbernan di Whatsup cual por manda un peticion di oracion:
7403237 / Marcel . 669150 / Hayro . / 5638426 / Josmar.
24 anja sirbiendo Dios y pueblo den oracion, no ta algo chikito, ta nifica constancia y perseverancia, den e boluntad di Dios.
E Marathon ta nacional y pa basta anja caba e a crusa nos frontera bira internacional pasobra e alcanse di oracion no por wordo determina door di hende, e no por wordo midi.
Na anja 2000 nos a cuminsa cu e Marathon di oracion e te cu e aña aki e a sigi nonstop, tur aña mes un dia y na mes un emisora Hit94FM.Tabatin aña cu nos a bay hasta 14ora.
Nos ta gradici nos director Johny Habibe , pa a sostene nos tur e anjanan, y ainda ta falta, y cu Dios dune bida y salud pa nos por sigi traha hunto pa bienestar di e pueblo di Aruba,y mundo henter.
Danki na 24ora.com cu pa e ultimo 3 añanan aki , ta parando firme huntu cu nos pa hiba e palabra di Dios tur caminda, habriendo porta pa nos por alcansa mas hende pa e caminda di Dios.
Nos tin hende cu por duna testimonio cu nan tin 24aña ta scucha e programma, y awor cu tur cos a bira digital nos alcance ta mucho mas grandi hende di tur caminda, Caribe Hulades completo, Hulanda, Venezuela, Colombia,Panama, Puerto Rico, Republica Dominicana. Etc, tur ta den sintonia di HIT94 FM.
Tur aña nos ta hiba oracion y alabansa pa esnan den hospital, esnan den KIA, esnan den cas di anciano, tur e hendenan cu ta riba trabao, esnan cu ta campa, tur caminda nos ta alcansa , dunando Dios tur gloria. Pa tur locual Dios a haci y locual e ta bay haci.
Ta hopi famia ta uni hunto pa haci oracion, y esey ta haci Dios contento, pasobra caminda Dios mira union eynan E ta manda su bendicion.,
Y durante oracion hopi reconciliacion ta tuma lugar den famia y matrimonio.
Nos ta conta cu bo sintonia, for di 6am-3pm na bo HIT94FM, en cadena cu 24ora.com livestream y facebook. Na Dios tur e gloria.