Winston Tavares Presidente di fundacion Dominicana Arubaanse Juan Pablo Duarte ta anuncia nan actividad di tur aña cu ta tuma luga na Plaza Juan pablo Duarte
Esaki ta un actividad do conmemoracion y restauracion di republica Dominicana cu lo tuma luga dia 16 di Augustus proximo. E evento protacolario lo cuminsa diabierna awo for di oranan di 8 or di mainta unda cu lo pone ofrenda na esunnan cu a lucha pa e restauracion di Republica Dominicana.
Un di e luchadonan tabata Gregorio Luperón cu a logra e independencia di Republica Dominicana cu awe Republica Dominicana ta un Pais liber y independiente. E ta bay ta un actividad solem unda cu no ta bay tin hopi aglomeracion di hende, pero ta invita comunidad pa ta presente diabierna awo for di 8 or di mainta pa asina por pone e ofrendanan floral na e busto di Juan Pablo Duarte na Plaza Juan Pablo Duarte.
E fundacion ta un fundacion cu ta yuda su comunidad Dominicano na Aruba , den pandemia a yuda hopi cu partimento di cuminda na esunnan cu a perde trabou, ta duna asistencia na personanan cu a sali na estado, ta duna curso, charla y diferente actividadnan cu ta wordo haci pa e comunidad Dominicana na Aruba.
Sinembargo e fundacion no ta den su miho momentonan, na momento cu COVID a presenta a pasa den hopi turbulencia y ainda ta den e proceso di recuperacion. Actualmente a fundacion ta confrontando problema cu pagonan di localidad , coriente, telefon ect ect , pesey mes ta haci un apelacion na e comunidad Dominicana na Aruba si nan kier yuda pa comunidad cu e fundacion na 5921679 of si ta desea di deposita tin un number di cuenta na RBC cu ta 4473094.
