Actua hunto pa construi un cultura di seguridad y salud positivo
Durante e pandemia di COVID-19, nos a realiza cu un sistema solido di Salud y Seguridad na Trabou (SST, na ingles OSH, Occupational Safety and Health), cu ta inclui un paticipacion efectivo di Gobierno, dunador di trabou, trahadornan, actornan den sector publico di salud y tur demas actor relevante na nivel nacional y empresarial, tawata decisivo pa proteha e entorno di trabou y salvaguardia e seguridad y salud di e trahadornan.
Mediante un dialogo social efectivo entre gobierno y entidadnan social (stakeholders) ta activamente participa den tur fase di proceso den tomo di decision pa cu SST.
Esaki ta importante, for di e desaroyo y revision di maneho pa SST y framework regulatorio pa atende cu retonan persistente y nobo di SST, te cu e actual aplicacion na pia di trabou.
Dialogo social no solamente ta contribui na mehora maneho y strategia pa SST, pero tambe pa genera responsabilidad y compromiso, facilitando un implementacion mas rapido y efectivo.
Na e sitio di trabou, un cultura solido di SST, ta esun den cual tanto gerencia como trahadornan ta valora y promove e derecho na un sitio di trabao sigur y saludabel. Un cultura di SST posiitivo ta basa riba inclusion, mediante un participacion significativo di tur esnan envolvi den e proceso continuo di mehoracion di seguridad y salud na trabou.
Den un lugar di trabou cu un cultura fuerte di SST, trahadornan ta sinti nan mes comodo pa trece dilanti posibel problema y riesgonan pa cu SST, y gerencia ta proactivo pa den colaboracion cu trahador busca solucion adecua, efectivo y sostenibel.
Esaki ta rekiri un comunicacion abierto y un dialogo basa riba confianza y respet mutuo.
Turesten cu nos ta sigui biba den un crisis global di salud y nos ta enfrenta riesgo continuo di SST na trabou, nos mester sigui avanza den e direccion di construi un cultura solido di seguridad y salud na tur nivel.
Background
Na 2003, e Organisacion Internacional di Trabou (ILO) a cuminza observa e Dia Mundial aki pa enfatiza e prevencion di accidente y malezanan na pia di trabou, capitalizando riba e forza tradicional di ILO pa cu dialogo social y dialogo .
E celebracion aki ta forma parti integral di e Strategia Global pa Seguridad y Salud na Trabou di ILO, manera documenta den e Conclusionan di e Conferencia Internacional di Labor na juni 2003. Un di e pilarnan principal di e Strategia Global ta promocion, y e Dia Mundial pa Seguridad y Salud na Trabou ta un instrumento clave pa eleva e concientizacion con pa haci trabou mas sigur y mas saludabel y pa enfoca riba e necesidad pa eleva e perfil politico di seguridad y salud na trabou.
28 di april tambe ta e Dia Internacional di Conmemoracion di Trahadornan Morto y Herida organiza pa e movimiento di sindicalismo na nivel mundial desde 1996.
Prevencion di accidente di trabou y enfermedad di ocupacion
E Dia Mundial pa Seguridad y Salud na Trabou riba 28 april ta promove prevencion di accidente y enfermedadnan ocupacional (beroepsziekten occupational diseases)na nivel global.
E ta un campanja di concientisacion pa enfoca mundialmente riba a magnitud di e problema y con pa promove y crea un cultura di seguridad y salud na trabou pa yuda reduci e cantidad di morto y lesionan causa pa trabou.
Cada un di nos ta responsabel pa evita morto y lesionan na pia di trabou.
Gobiernonan ta responsabel pa proporciona e infrastructura (ley y servicio) necesario pa garantiza cu e trahadornan sigui ta empleabel (arbeidsgeschikt) y cu empresanan por florece; esaki ta inclui e desaroyo di un política y un programa nacional y un sistema di inspeccion pa haci cumpli cu legislacion y e maneho di seguridad y salud na trabou.E dunadornan di trabou ta responsabel pa garantiza cu e lugar di trabou ta sigur y saludabel. E trahadornan ta responsabel pa traha cu seguridad y proteha nan mes y no pone otro na peliger y pa conoce nan derecho y participa den e implementacion di medida preventivo.
Riesgo emergente na trabou
Riesgo ocupacional laboral nobo y emergente por ser causa pa inovacion tecnico of dor di cambio social of organisacional, manera:
- Tecnologia nobo of proceso di produccion, p.e. nanotecnologia, biotecnologia
- Condicionan nobo di trabou, p.e. mayor carga di tarea pa haci na trabou, intensificacion di trabou debi na reduccion di personal, mal condicion causa dor di migracion en busca di mihor trabou, empleo den e economia informal
- Forma emergente di trabou, p.e. trabou pa proprio cuenta, subcontratacion, contrato temporal
Esaki nan por ser mas ampliamente reconoci a traves di un mihor comprension cientifico, p.e. e efectonan di riesgonan ergonomico di trastorno musculoeskeletal.
Y nan por ta influencia pa cambionan den e percepcion di e importancia di cierto factor di riesgo, manera efectonan di factor psychosocial riba stress relaciona na trabou
.Nos a sinja di crisis den pasado cu lugarnan di trabou por ta di vital importancia pa preveni y controla brotenan di maleza contagioso. Medidanan adecuado pa seguridad y salud na trabou por hunga un papel crucial den contene e propagacion di un maleza y na mes momento proteha trahador y sociedad en general.
Gobiernonan, dunadornan di trahadornan tur tin un papel pa hunga den confronta y atende cu e crisis causa pa COVID-19, y colaboracion entre nan ta clave.
