Conferencia di prensa na Cas di Cultura tocante e conferencia Happy Parents, Happy Children cu lo tuma lugar den November cu conexion cu dia Internacional di Mucha organisa door di Piso tres y diferente otro partners.
Dia 28 di september a tuma un conferencia di prensa aya na cas di cultura tocante un conferencia organisa door di Piso tres y diferente otro partners manera Aruba Bank, Cas di Cultura, Pampers y mas cu tambe a elabora riba e proyecto y conferencia pa dia internacional di Mucha e ana aki cu lo ta Happy Parents, Happy Chidren Conference cu e ana aki lo tuma luar na Cas di Cultura. Zilha Bruin- Wever coFounder di PisoTres a elabora den e conferencia di prensa kico tur Piso tres ta ofrece y lo ofrece cu e conferencia aki pa dia di mucha.
Piso tres tin como funcion facilita diferente organisacion cu sala di reunion y camindanan amplio pa haci workshops y evento y mucho mas. Despues di un seminario exitoso organisadornan Quinny Bergen conhuntamente cu Zilha Bruin-Wever y team dinamico di Piso tres a dicidi di organisa un conferencia cu lo tuma lugar den e luna di november benidero, e ta un conferencia cu e meta pa trece e communidad di Aruba hunto pa trece differente strategianan, herment y practikanan innovativo cu mayornan y communidad di Aruba lo haya hopi valioso pa e equipamento di nos hoben y muchanan.
Tambe nos a haya como representante di Piso3 Kindra de Cuba Sprok cu a elabora riba e objetivo, dia y ora cu e conferencia aki lo tuma lugar, Nos a haya asina sa cu e conferencia aki lo tin como objetivo proveer mayornan, educadornan y entrenadornan y tur hende cu ta forma parti di e desaroyo y cuido di nos mucha y hobennan cu hermentnan necesario pa asina yuda nan desaroya abase di estudionan hasi door di expertonan y oradornan local y internacional nan lo toca tema nan manera communicacion, social y tur locual hoben y mucha ta experiencia pa asina nos por lanta un generacion stabiel pa e communidad di Aruba. E conferencia aki lo tuma lugar riba 14 y 15 di November proximo y lo tuma luga na Cas di Cultura for di 6or di Atardi pa 9or di Anochi, e conferencia ta parti den dos pida dia 14 e topiconan lo ta basa riba nos muchanan cu audiencia di personanan cu ta atende cu mucha di e edad di 0 pa 10 y riba dia 15 november e lo ta basa riba nos hobennan cu audiencia di personanan cu ta atende cu hoben di 11 pa 18 y nos ta spera informa cada grupo cu diferente oradornan specifica den e area nan aki, nan lo tin un host cu lo bin di Hulanda pa tur dos dia cu lo ta Laura Tromp, LAura ta un coach pa mayornan cu ta residencia na Hulanda y akinan e ta eherce su funcion y ta presente pa host y modera e conferencia aki. Lo tin un line up largo di oradornan manera Stefanie Pinto cu ta un emotional intelligence coach pa mayor y un paediatric anxiety therapist, Sara Rose Waley cu ta un board certified behaviour analyst y un coach di mayor cu lo bin pa e prome dia y pa e di dos dia nan lo tin como oradornan therapista local Johnny Boekhoudt y orador internacional Destini Ann Davis cu ta un TEDx speaker y un certified coach pa mayornan. Ticketnan ta disponibel riba pay.aw y esaki lo ta 50 pa dia y 85 pa tur dos dia hunto, tambe tin prijs special pa educadornan cu lo ta 40 florin pa dia y 75 pa tur dos dia hunto. Nan a duna danki na tur nan partners nan cu a duna aporte na e conferencia aki.
Tambe nos a haya un representante di nan patrocinador Aruba Bank cu tabata Juff. Roxanne Croes Senior Marketing Officer cu a elabora tambe riba e conexion entre Aruba Bank y Piso tres y a conta e aprecio di Aruba Bank pa forma parti di e conferencia aki conhuntamente cu Piso tres Aruba y e importacia di un conferencia asina pa educadornan y nos Pais pa e desaroyo di nos muchanan, y ta wak nan iniciativa WeCare como un bunita oportunidad pa yuda contrubui na e evento aki pa dia di mucha, tambe Aruba Bank lo tin un raffle di 500,- florin e diana aki pa mayornan y educadornan cu precensia e conferencianan aki.
Nos por a tende di representante di Compra Ana Maria Ramirez cu representa un di e partners cual ta Pampers Aruba cu tambe ta aprecia e colaboracion cu Piso tres den e conferencia aki y ta contento y orgulloso di por forma parti pa di dos biaha cu piso tres den un evento asina. No solamente nan kier trese producto di calidad pero tambe kier empodera mayornan y ofrece nan e tools nan pa yuda den e desaroyo di nan yui.
Vicky Arens di Cas di Cultura tambe a extende su gratitud pa por aporta den e proyecto aki pero tambe ta extende un invitacion na pueblo di Aruba pa pasa na Cas di Cultura y tur e evento nan cu nan lo tin den e luna aki y nan desfile di diferente cos den nan sala nan.
Asina ta extende un invitacion na cada persona na e evento aki.