Dia 21 di September no solamente ta marca e Dia Internacional di Paz, pero tambe ta un dia di sumamente importante pa para keto riba casonan di Alzheimer rond di mundo y na nos pais. Nos pais manera tur caminda tin diferente caso di Alzheimer, pa cual nos mester ta bon ekipa pa yuda, apoya nos mes y otronan den e area aki.
Alzheimer’s ta un enfermedad cu ta afecta diferente persona den diferente fase y edad di nan bida pa esey e aña aki su lema ta “never too early never too late” pa asina enfoca y conscientisa pueblo riba e diferente riesgonan cu potencialmente por caba na Alzheimer.
Kico ta Alzheimer?
Alzheimer ta un tipo di demencia cu ta afecta e memoria, pensamento y comportacion. E sintomanan sa con pa crece severamente na un punto cu e ta cuminsa interveni cu e tarea y rutina diario di e persona. Alzheimer ta e causa commun di demencia cu ta cubri 70 prociento di casonan di demencia.
Alzheimer al contrario di demencia no ta un parti normal di biehes aunke cu un risico halto pa haya alzheimer ta cu un edad halto, pero alzheimer no ta solamente afecta hende cu edad riba 65, pero tambe por afecta diferente hende di edadnan mas jong. Alzheimer ta un enfermedad cu ta progresivo, unda cierto di e sintomanan por eleva y bira mas dificil pa cuido cu bon supervision. E por yega te na e punto unda nan no lo por completamente compromete den actividadnan diario y tampoco responde na nan ambiente social.
Alzheimer’s ta un enfermedad cu ta rekeri hopi atencion, proteccion y sosten duna na e persona cu e enfermedad pa sigura nan siguridad personal.
Con pa preveni?
Prevencion di Alzheimer por ta hopi dificil como cu den comienso e por ta hopi pasivo cual ta pone cu bo lo haya e resultado ora cu bo cuminsa haya sintoma, nan mas pisa, unda ya no por haci nada mas, pero tin hopi sondeo haci den e area di demencia y alzheimer’s cu por yuda detecta cierto riesgonan di e enfermedadnan aki. Kico abo por haci ta check cu bo dokter di cas y tira un bista na cada persona cu por ta mustrando cierto riesgonan di alzheimer como perdida di memoria, destruccion den manera di comunica, problema pa mantene un combersacion y hende cu tin problema di adapta na nan ambiente social.
Kico pa haci?
Si bo persona ta sufri di demencia of alzheimer tin cierto asignacionnan cu bo por haci pa stimula bo cerebro, problemanan den e cerebro ta hopi dificil pa reverse pero cu training y supervision diario tin hopi cos cu lo por wordo logra. Tin diferente luga cu ta duna apoyo na hendenan cu por sufri di e enfermedad di demencia of alzheimer, manera Cas Marie cu ta brinda diferente servicio na personanan cu alzheimer of demencia.
Por ultimo, alzheimers y dementia ta enfermedad nan serio cu por afecta personanan den diferente estado y edad di nan bida, pesey mas cu nunca nos mester pone atencion na otro pa purba duna un man den e apoyo di personanan cu ta na caminda pa e enfermedad of tin e enfermedad.
Nunca mucho trempan nunca mucho laat pa haya e enfermedad aki, tene na mente cu cada persona cu por sufri di alzheimer’s como cu e por ta un di e enfermedadnan mas pisa riba e ser humano.
