Den cuadro di celebracion di dia Nacional di Aruba y Luna Cultural, Fundacion Bernadina Growell ta invita henter comunidad, especialmente esnan den bario pa pasa na Cas di Bernadina dia 18 di maart venidero. Lo tin un Tardecer of Tardecito Cultural na cas di nos Mama di Cultura d.f.m.
Di 2-7 or pm lo habri cas di Bernadina pa publico por aprecia tur loke tin eyden como herencia cultural.
Lo tin musica tipico, por cumpra buki di bida y logronan di Mama di Cultura, tin benta di snacks, aros compoyo, bacalao cu pan, sanger yena, soppi di boe, dulce de leche, bolo, tert, boyo y benta di obranan di man di 60 plussers. Pa corona e tardecito lo tin presentacion di un documentario filma recien na cas di e difunta den cuadro di Festival di Cine.
Fundacion Bernadina Growell ta felicita pueblo di Aruba cu e dia conmemorativo di Himno y Bandera y ta spera un y tur pa pasa na Brazil 43F y celebra e dia aki den bon ambiente .