Den fin di siman MAN-PIN tabatin un dia di estudio eksitoso. Esaki
tabata en preparashon di e programa pa elekshon 2025. E miembronan ku hopi ánimo
i entusiasmo a enfoká riba diferente área, reto i oportunidat ku gobernashon mester
dediká atenshon na dje añanan benidero. Pa MAN-PIN e liña kòrá mester ta desaroyo,
progreso i alivio! Aspektonan ku komunidat ke mira pa su gobernantenan duna
atenshon mas dirigí i serio na dje.. Pa MAN-PIN énfasis mester ta riba drecha kalidat di
bida, oumentá forsa di kompra, enseñansa ahustá na nesesidatnan di merkado laboral i
trabou di futuro, ku e hèrment i faslidatnan adekuá pa por realisá esaki. Alabes mester
traha riba efisientisashon di nos aparato públiko i fortifikashon dinos demokrasia.
Tambe traha na prevenshon den e aspekto di salubridat di nos komunidat i kuido di salú
asesibal i pagabel. Yega na un ekonomia diversifiká ku ta perkurá pa mentashon di
kuponan di trabou i krea kuponan nobo. Paralelo na esaki mester dediká atenshon na
mihó desaroyo sosial pa nos hendenan.
Un programa di gobernashon ta hopi importante pa pueblo sa kiko ta e intenshon di un
partido polítiko. MAN-PIN semper lo ke tende di pueblo kiko ta inkietut i nesesidatnan
pa huntu traha na bienestar pa un i tur. E programa mester ta e guia pa trabounan ku
MAN-PIN ke sigui ehersé pa alsa nos nashon.
Nos kompromiso ta pa duna pueblo di Kòrsou un gobernashon transparente, inklusivo,
dirigí riba solushon pa retonan i saka mihó probecho konbertí di oportunidatnan riba
ruta pa desaroyo i mas kresementu. pa kresementu.
