Diaranson Dia 8 di November 2023 e conocido locutor, productor, presentador di programa na radio, reportero, operador, audio editor, director di programa, periodista, tecnico, mixing dj, radio dj, moderador, co-fundador di TOP FM 95.1, co-fundador di GFM 99.9 Galactica y a traha na Radio Antilliana 1270 AM na unda Sr.Marcos Bislip Jr. a cuminsa su carrera den radio difucion danki na Sra.Morgan Arrindell y Sr.Tuyo Prins enfelis memoria como director di Radio Antilliana 1270 AM.
Sr.Marcos Bislip Jr. mester a pasa tres luna di preparacion profecional di radio y tambe mester pasa un test di voz prome hopi no ta pase exitosomente.Sr.Marcos Bislip Jr. ta un personal di radio cu a pasa su testnan y ta certifica for di locutor, operador, audioeditor, productor, presentador, director di programa, reportero, director di noticia, dunador di noticia na tres idioma papiamento, hulandes, ingles y spanjo, coordinador di noticia y periodista na radio y tambe moderador di programanan special.
Sr.Marcos Bislip Jr. a traha na Radio Antilliana 1270 AM, Radio Carina 98.9 FM, Canal 90FM, Voz di Aruba 1320 AM, GFM 99.9 Galactica y TOP FM 95.1 Marcos Bislip Jr. a prepara Ivo Yanes, Joan Geerman y Gina Tromp Maduro cu despues Gina y Joan a bira colega na Radio Antilliana 1270 AM.
Na 1987 Marcos Bislip Jr. ta sali mihor locutor hubenil y presentador di programa den radio difucion di Aruba.Tambe Marcos Bislip Jr. a sali un di e mihor locutor y djnan hubenil diantiyanan hulandes na 1983.
Marcos Bislip Jr. ta record holder local di e programa den radio difucion den oranan di marduga pa mainta na Radio Carina FM y Canal 90 FM 5 Aña y 5 Luna.
Mientras cu Marcos Bislip Jr. tin e record di anochi na radio, record holder local pa presenta dos programa Hit Express y Romantic Paradise pa 14 Aña consecutivo como voluntario y na 2019 e dos programanan ta bai over pa TOP FM 95.1 y tin cuater Aña den aire y surpasando e record di 10 Aña pa 14 Aña anochi na radio.
Na 1999 Marcos Bislip Jr. a traha na TOP FM 95.1 caba como coordinador di noticia principal di merdia y tambe atardi.
Tambe Sr.Marcos Bislip Jr. a yega di presenta programa na TOP FM 95.1 na 1999 pa 2000 anochi na radio.Na 2019 Dia 15 di April Sr.Marcos Bislip Jr. ta bolbe bek na TOP FM 95.1 despues di 20 Aña.Sr.Marcos Bislip Jr. ta tur anochi despues di 10’or di anochi na TOP FM 95.1 di Dialuna, Diamars, Diahuebs y Diabierna cu Hit Express y Diaranson cu Romantic Paradise.
Dialuna tin e seccion informativo Earth News topiconan medio ambiente, salubridad, sismologia, climatologia, ciencia y tecnologia entre otro, Diamars Astro News astronomia, cosmologia, programa y exploracionnan espacial entre otro y Diahuebs Nos Insolito Mundo cosnan stranjo, cosnan inexplicabel, cosnan supernatural.
Diabierna cu musica y ambiente di fin di siman.
Marcos ta cumpli 42 Aña den radio difucion y den media 4 Decada y dos Anja na unda su famia su querido tata enfelis memoria semper tabata e motor tras di Marcos su exito hunto cu su mama nan a apoya y sostene Marcos den tempo bon y malo.Marcos tabata un di e grandinan pa cu e programa Marathon Oldies y tambe Cosnan Stranjo na GFM Galactica 99.9 y tecnico di Roberto Geerman pa cu transmicion di carnaval y futbol y cu e transmicion di eclipse parcial na 2017 hunto cu en felis memoria Roberto Geerman y Freda Maduro.Tabata Dia 1 di Mei di Anja 2023 Marcos Bislip a sufri un herida causa pa un mal trabou di un verpleester te cu awe un caso hopi misterioso cu mester wordo investiga causando un herida cu a causa un infeccion hopi grave na unda cu Marcos mester a keda interna cu urgenia y mester a haci 4 operacion tras di otro y saca potret pa sigi e herida hopi di cerca y na unda Marcos Dia 1 di Juni 2023 por a bai cas y Dia 18 di Juli 2023 Marcos Bislip por a bai bek den aire na radio cu su programanan y cubri e evento di eclipse parcial na Aruba y cumpli su 42 Anja den radio y cumpli cu e conteo di fin di Anja pa asina cumpli cu e actividadnan programa pa Anja 2023 y pa asina na Januari 2024 bai bek pa e ultimo operacion cu Dios su poder por bai bon pa Marcos por ta full recupera 100% atrobe.
Marcos ta sigur cu su tata ta hopi orguyoso di su logro di 42 Aña den radio difucion na Aruba.Manera semper su tata a bisa NEVER GIVE UP.
Danki Papa Dios y Cristo pa a sana mi cu awe mi por ta bek cu bida y salud y un danki grandi na mi tata cu a bai laga nos pa tur cos cu tata a haci pa mi y tambe pa tur loke mama y famia a haci pa mi cu awe mi por a logra yega 42 Aña den radio difucion na Aruba.
Gradicimiento na Gerencia di TOP FM 95.1 tambe na henter e pueblo di Aruba y oyentenan pa nan apoyo y sosten hopi danki.
Marcos tin su propio radio ariba internet Sunrise Radio Aruba for di cual e programa live remote ta bai via TOP FM anochi ta wordo haci full digital stereo HD.Aruba ta keda cordialmente invita pa scucha Marcos Bislip Diaranson Dia 8 di November 2023 anochi atarves di TOP FM 95.1 despues di 10’or di anochi pa un programa special relaciona cu e 42 Anja den radio difucion di Marcos Bislip Jr.
