Almirante Pedro Luis Detrox Brion un héroe yu di Kòrsou kende a bringa kontra invashon di inglesnan na 1799 na Batavia ( Hulanda) den e bataya di Bergen i Castricum .
Despues di a keda detené i a keda liberá el a bolbe su pais Kòrsou kaminda durante 1803 pa 1807 e la bringa kontra invashon di inglesnan na su isla natal Kòrsou i asistí e pueblo di Kòrsou ku kuminda ku e entrada heroiko i drenta Bahia di Sint Joris i asina eskivá e blokeo di inglesnan ku a okupá Kòrsou i sòru pa kuminda.
Na 1813 despues di a huí pa e inglesnan e la bai St Thomas pa despues uni na Simon bolivar pa liberá Gran Colombia( Venezuela, Colombia i Ecuador) kontra dominio di spañónan.
Huntu ku su akshonnan pa bringa pa libertat di Gran Colombia durante diferente batayanan heroiko eksitoso manera “Bataya de los Frailes” na 1816 kontra di dominio spañó i tambe a aportá finansieramente ku e lucha pa libertat aki asina dor di kumpra ekiponan di guera pa bringa e kousa grandi di independensia di Gran Colombia huntu ku Simon Bolivar.
Dia 27 sèptèmber 1821 e la fayesé na Kòrsou di tuberkulósis i a keda derá na a sementerio di su famia na Rozentak pa despues riba petishon di Venezuela su restunan a keda di un akto sòlèm úniko den nos historia den sentro di nos suidat dia 10 di òktober 1882 despues di 60 aña di su restunan transladá den un boto pa Pantheon Nashonal na Caracas, Venezuela kaminda e la keda dera finalmente banda di Libertador Simon Bolivar i otro héroe venezolanonan.
Reflekshonando riba palabranan profundo di Libertador Simon Bolivar na Almirante Pedro Luis Brion unda e ta indiká “El Gran Colombia le debe la mitad de su dicha a Almirante Pedro Luis Brion.”
Esaki ta bisa nos sufisiente di e kaliber di e héroe ku nos ta tin i ku mester ta un inspiráshon pa nos futuro generashon i Mundu.
Aki na Kòrsou apénas nos ta rekordá nos héroe ku un plenchi,
Almirante Pedro Luis Brion ta un di nos héroenan ku pa motibunan deskonosí no a keda rekonosé manera mester ta i konta su historia pa asina yuda alsa nos Nashon i nos orguyo atraves di su hendenan i su historia.
Reflekshonando riba e 200 añanan di su morto mi ta hasi e siguiente preguntanan:
- Gobièrnu di Kòrsou ta konsiente ku dia 27 di sèptèmber ta konmemorá 200 aña di morto di Almirante Pedro Luis Brion?
- Kiko Gobièrnu di Kòrsou ta bai hasi pa konmemorá e 200 añanan aki?
- Ki lugá ta bai duna Almirante Pedro Luis Brion komo un di nos héroenan nashonal?
- Tin idea pa hasi algu ku sementerio di Rozentak ,komo parti di e historia di nos héroe?
- Ta bai tin un “les brief” pa skolnan pa nos hóbennan , pa asina e memoria , e historia di Almirante Pedro Luis Brion keda bibu I aportá na orguyo i konsientisá di nos héroenan?
