ORANJESTAD,Aruba
Fundacion Bernadina Growell Kock a tene un conferencia di prensa den foyer di Cas di Cultura pa anuncia nan siguiente proyecto, cual ta entrega di un buki conmemorativo dedica na nos Mama di Cultura Bernadina Growell Kock. Durante e conferencia di prensa a hiba palabra presidente di e fundacion, Mervin Wyatt-Ras, miembro di directiva, sra. Lilian, She Preke, Koolman Besselink, sra. Gianine Wester-Orman, Dama Grandi Cultural y sr. Chico Harms di Fundacion Chico Harms.
Mervin Wyatt-Ras a anuncia cu dia 26 venidero den Cas di Cultura lo entrega e buki conmemorativo cu a ser compila dor di fundacion hunto cu rumannan di Bernadina Growell-Kock d.f.m. Den e buki ta describi ken Bernadina tabata, su cancionnan, carera musical y logronan. Ademas por haya un bista di kennan tabata rond di Mama di Cultura. Mervin Wyatt-Ras a conta algo do Bernadina kende a nace dia 27 di februari 1939 y a fayece dia 23 di februari 2009. El a compone un cantidad di cancion di cual 40 a keda registra. E ta promer hende muher cu a canta y a compone cancion pa festival di tumba.
El a compone himmo di Brazil, Himmo di flor di brazil, himno di grupo violeta. El a lanta diferente agrupacion musical manera Las Campiranas, Estrella di Oro, el actua den y dirigi diferente produccion teatral. Un don di Mama di cultura ta cu e por adapta su mes riba escenario na cualkier tipo di edad. E ta un valuarte di nos cultura y ta di importancia pa rindi homenahe na dje.
Lilian Besselink a trece padilanti cu lo tin un programa varia cu sorpresa cu lo cuminsa 7 or. Lo tin sketch encuanto Bernadina ora e tabata na bida, canto y un shiw chikito y ta spera un y tur. Lo entrega e buki na dignatarionan y lo tin oportunidad pa nos ciudadanonan cumpra buki si nan ta desea. Lilian a invita un y tur pa bin cu maraca, wiri of ….
Gianine Wester Orman, dama grandi a invita un y tur pa bin presencia e evento y tur e reinanan… y cu por tuma contacto cu su persona na cell. 6612293. E ta invita tur hende pa bin cu wiri, maraca, hasta wea y cuchara. Sr. Chico Harms a invita tur esnan cu ta participa na parada cultural pa acudi na cas di cultura dia 26 di februari pa 6 or atardi pa hunto drenta den cas di Cas di Cultura.
Na final Mervin Wyatt-Ras a anucia cu e evento ta gratis y cu fundacion ta spera un y tur
