Dia 17 di augustus un dia cu nunca mas KPCN Boneiro lo lubida

Awe, 17 di augustus 2023, KPCN a para keto na perdida di nan colega hopi keri, un amigo y agente, Ferry Bakx cu a perde su bida na momento cu e tabata eherce su trabao. Hefe di Cuerpo di polis Alwyn Braaf y hefe di e departamento di Cuido Basico di Polis, Edwin van der Giessen a pone un krans na e monumento dilanti di e edificio di warda di polis, y hunto cu otro coleganan a tene un minuut di silencio y recorda nan colega. Riba 17 di augustus 2016,e polis Hulandes Rijsberg Ferry Bakx (45) tabata traha riba e isla for di 2013. E tabata traha como agente di polis na momento cu un grupo di Venezolano a comete un atraco na un cas di vacacion. Den e cas ey e famia Hulandes Van Dijk tabata biba,Bakx a sigui e atracadonan, ora cu el a wordo tira. El a ricibi tiro den e parti patras di su cabes y den su lomba y a fayece. E atracadonan a wordo gara y nan a ricibi 17 anja di castigo di prizon.