Dia 11 di januari 2024 tin eleccion na St Maarten

E Gobierno di Sint Maarten, den colaboracion estrecho cu e Oficina Central di Votacion, ta contento di anuncia e datonan finalisa pa e eleccionnan di 2024. Despues di un proceso diligente y completo, e gobierno a ricibi confirmacion for di e Oficina Central di Votacion, cu ta sigura cu e datonan scoge lo no impedi ningun proceso simultaneo.

Nathalie Tackling, presidente di e Oficina Central di Votacion, a reconoce e esfuersonan di cooperacion entre e gobierno y e Oficina di Votacion. Eleccion di fecha di eleccion no ta djis un logistica, ta trata di salvaguardia e proceso democratico transparente, husto y inclusivo cu nos ta stima na Sint Maarten.

Despues di un analisa profundo, nos ta confia cu e datonan aki ta refleha e miho balansa entre e rekisitonan legal y e realidad nan practico di nos comunidad. Nos tarea primario na e Oficina di Votacion Central ta firme: pa mantene e standardnan mas halto y pa sigura cu tur voz ta wordo scucha y conta. Nos ta encurasha tur hende pa participa activamente y haci e eleccion aki un testimonio di nos unidad y nos vision comparti pa futuro.

E datonan clave pa e proceso electoral di 2024 ta lo siguiente: · Termino pa registracion di partido politico nobo: 11 di october, 2023 · Dia di nominacion: 22 di november 2023 · Dia di eleccion: 11 di januari 2024 · Instalacion di Parlamento: 10 di februari 2024 E datonan aki lo duna partidonan politico y ciudadanonan hopi tempo pa prepara pa un ehercicio democratico exitoso. E Gobierno di Sint Maarten y e Oficina Central di Votacion ta aprecia e pasenshi y comprension di e publico durante e proceso aki. Prome Minister Silveria Jacobs a enfatisa riba e importancia di un enfoke meticuloso y coordinado den determinacion di e datonan di eleccion. Nos compromiso pa transparencia, responsabilidad y un proceso electoral limpi a guia cada paso di e esfuerso aki. Nos ta compronde e importancia di duna tempo amplio pa campaña politico, pa nos ciudadanonan tuma decision informa y pa un transmision di poder sin problema si ta necesario.