No tin ningun excuus cu por hustifica legalisa ilegal na Aruba, acto y situacionnan ilegal no ta aceptabel, almenos cu mandatarionan legalisa y cosmetisa no na bienestar di Aruba, pero na bienesta di stranhero hustificando necesidad na Aruba.
Minister di asuntonan di labor a traha un sistema cu yama alternative legal pathway, segun door di pandemia. Sinembargo pandemia a pasa y loke no tabata normal mester bay bek den normalidad. Sinembargo nos tur conoce cu Aruba ta mane un sucu, ken cu bin di “bishita” kier keda.
E excuus di esunnan cu a drenta legal por haya oportunidad ta un excuus fofo , tur hende ta drenta legal Aruba , pero conscientemente ta bira ilegal riba e pais, un acto pensa “Premedita”pa keda y viola e leynan di Aruba.
Na momento cu pandemia a presenta paisnan cu nan ciudadano nan tabata for di e isla mester a manda busca nan ciudadanonan for di e tera cu nan ta , esaki a sosode pa e ciudadano nan di Aruba tambe esunnan cu tabata den otro tera mester a cancela tur nan vakantie y regresa Aruba bek. Sinembargo esunnan cu a bin “vakantie” Aruba a prefera di keda Aruba y busca un trabou ilegal cu un excuus di pandemia y awe esaki ta wordo apoya pa gobernantenan.
Esunnan cu pa un motibo of otro cu supuestamente mester a keda pa pandemia a haya trabou, trabou ilegalmente , aki ta dos actuacion robes cu a keda cometi. Un doño di trabou cu ta tuma un persona no documenta y pio ainda ilegal ta haciendo actonan contra ley y cu tin un boet mara na esaki., nan ta haya boet realmente pa preveni cu no ta tuma ilegal na trabou?
Pa di prome luga e personanan ilegal na Aruba cu tin trabou e doñonan di trabou mester haya un boet, nan ta viola ley y regla di Pais Aruba. Banda di esaki mi no ta scucha e mandatario y tampoco parlamento di e pais aki para pa Aruba. Paso si e ilegalnan aki no ta haya trabou debi cu e comerciante ta mantene su mes na e regla di leynan di Aruba, awe Aruba no tin e problema aki cu ilegal ta na Aruba, paso automaticamente nan lo bay di Aruba debi nan no ta haya trabou. Kico por bisa di e sistema putri aki? Kico ta bisa di tanto e minister y e parlamentario cu ta para tras di e acto aki ?
Hopi biaha nos kier midi cu un banda di liniaal, unda cu mayoria biaha PAIS Aruba y pida baranca aki ta wordo maltrata tanto pa e ilegalnan, comerciantenan cu ta tuma ilegalnan y minister cu ta para tras di actonan asina y na mes momento kier pone tapijt cora pa actonan ilegal y parlamento enbes di para pa Pais Aruba ta apoya e parti aki tambe cu supuestamente “alternative legal pathway” ta bon pa Aruba. E sistema aki pais nan mane Hulanda, Merca y St Domingo a pasa aden caba , pero ta parce cu Aruba gusta di ta viola y maltrata.
Alternative legal pathway ta bon pa Aruba? No absolutamente cu no, sinembargo tin esfuersonan lo maximo pa sigui bendiciona ilegalnan enbes di mustra cu aki na Aruba no ta permiti actonan asina y para cu e mensahe bon cla cu aki na Aruba nos ta traha segun ley y integridad.
Alternative legal pathway ta un caminda cu minister di labor y integracion Glenber Croes a inventa pa facilita y cosmetica ilegalnan na Aruba cu e pretexto si e necesidadnan laboral cu tin na Aruba, pero na e mes un momento di otro banda ta grita cu cifranan di desempleo a baha. Kico kier ilustra cu e dos aspectonan aki contradictorio?
Ta papia cu nos yiunan di tera mester bin na remarca pa haya trabou prome. Cu e cuponan cu ilegalnan ta traha ilegal y comerciantenan ta tuma ilegal ta cuponan cu nos yiunan di tera ta perde. Un otro parti contradictorio si realmente e deseo t’ey pa nos yiunan di tera.
Hopi biaha nos ta papia di recuperacion economico, economia mester drey , pero nos no ta para keto cu Aruba no ta crece mas, te aki nos economia por drey sino nos ta inunda nos mes, con ignorante nos ta bay keda di kier tapa wowo y no kier mira e berdad?
Nos no mester mira mas posibilidad nan economico, nos mester drecha y mehora y duna calidad na nos economia y producto Aruba, paso nos por tin hopi factornan di economia , pero si no ta di un calidad halto mane nos tin e deseo, nos ta trahando pa ken ? hibando awa lama dia pa dia unda cu nos ta inunda nos mes, pero e Arubiano nan lo keda Aruba pa scapa Aruba, pero e mes un inmigrantenan y ilegalnan cu nos kier yuda awe lo bandona e pais aki cu no ta di nan paso semper lo bolbe bek nan raiz di unda nan ta bin.
E ora pa ken nos ta traha ? ken nos ta haci mas rico?.
Nos tin cu siña di nos lesnan y STOP di crea posibilidad inhusto pa hende abusa di nos leynan. Mester stop di laga mandatario cu ta laga personanan haci cosnan robes pa pasa over di loke ta nos leynan y normanan na Aruba pa complace un capricho di gobernante.
Cu pandemia of sin pandemia esunnan cu a duna e ilegalnan trabou y no un Arubiano y of imigrantenan legal na Aruba ta mes robes cu e minister concerni cu awe kier legalisa ilegalnan.
Parti1
