Entidat Públiko Boneiru (OLB) ta anunsiá ku un persona ku Covid-19 a fayesé den oranan di mardugá di promé pa 2 di òktober 2020. E persona tabata pertenesé na un grupo di riesgo i ta bira e di dos persona ku ta fayesé di e malesa aki na Boneiru. OLB ta ekstendé palabranan di kondolensia na famia di e defuntu den e momento difísil aki. Laga nos duna e famia di e persona ku a fayesé espasio pa por karga pèrdida di nan ser kerí.
Tin 1 kaso di Covid-19 a bini aserka.
Riba 2 di òktober tin 60 kaso aktivo di Covid-19 na Boneiru. 45 persona a rekuperá i 2 persona ta interná den hòspital. E personanan ta informá i ta den isolashon.
Un hòspitalisashon relatá na Covid-19 no ta nifiká ku outomátikamente ta bai kuido intensivo i/òf ku ta hasi uzo di un di e 7 aparatonan respiratorio optenibel pa Covid-19. Por sosodé ku personanan mester di kuido i medikamentu ku no por duna den un situashon na kas. Esaki por ta e kaso tambe ku malesa ku no ta relatá na Covid-19.
Bo tin keintura, doló di garganta òf kualke otro síntoma relatá na Covid-19 ? Keda bo kas i yama 0800-0800. Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rondó di bo.
