E di dos edicion di e programa di Qredits ‘ BeYourOwnBoss ‘ lo cuminsa na september na Liseo Boneriano
Un total di 40 studiante di Mavo, Havo i VWO 1 i 2 a aplica. Nan i nan mayornan ta hopi entusiasma cu nan participacion y loke nan tur lo siña y experencia durante e programa. ‘BeYourOwnBoss’ a ser desaroya pa contribui na e conocemento y abilidadnan empresario di e muchanan di scol. E programa ‘BeYourOwnBoss’ ta un iniciativa di Qredits. E a ser desaroya pa contribui na e conocemento di emprendimento di studiantenan di scol. Durante e programa, e muchanan di scol ta haña e oportunidad pa desaroya nan cualidadnan y conocemento di empresariado, y tambe pa duna substancia na un idea di empresariado uzando un “Business model Canvas”. Lo trata temanan relevante di emprendimento. Pensa, por ehempel, riba descubri bo mes cualidadnan di empresario, haci un analisis di competencia y traha un plan financiero. Na final, e studiantenan participante lo presenta nan idea y ricibi un certificado
Riba 11 di september e mayornan di e muchanan di scol participante a haña informacion tocante e programa. E klasnan lo cuminsa dia 19 di september, y e programa lo dura 8 siman. E 40 studiante cu a registra lo ser dividi den tres grupo pa sigura comunicacion y participacion efectivo. Sr. Sullivan Chin Fung Chun lo duna e klasnan. E ta un Qredits Coach y empresario. Ademas di trata e topiconan ariba menciona dor di e lesnan, e studiantenan di e scol lo bishita outoridatnan relevante i empresarionan na Boneiru. Orco Bank komo e partnero di e programa “Be Your Own Boss” di Qredits, tambe lo duna un sesion tocante maneha cu placa y uzo di productonan di banco pa e maneho corecto di finansa priva y di negoshi.
E Liseo Boneriano ta desea pa su studiantenan bira finansieramente autosuficiente pa asina nan por contribui na gastonan den nan famia. E programa ‘BeYourOwnBoss’ di Qredits a demostra di ta contribui na e meta aki. Como resultado, Liseo Boneriano ta sigui duna su studiantenan e oportunidad pa participa na e programa. E ‘BeYourOwnBoss’ ta wordo ehecuta na Boneiro for di 2021; prome na e MBO y despues na Liseo Boneriano