Den mardugá di 20 pa 21 di Mei e di 30 edishon di Buelta di Aruba a tuma lugá. E buelta ta un evenementu di kanamentu riba velosidat haltu ku ta keda bin bek, ku un distansha di 72 kilometer; esaki ta keda organisá pa Kazèrne di Marina Savaneta, den kolaborashon ku sosionan stratégiko di Aruba. E evenementu a kuminsa na 1971 komo un inisiativa di dos Marinir. Partisipashon di e buelta ta posibel pa tur hende, ademas di Militarnan di region Karibe tin tambe partisipantenen for di por ehèmpel Aruba i otro islanan den region. E tiru pa salida di e edishon aki a keda hasí pa Gobernador di Aruba, Su Ekselensia Alfonso Boekhoudt.
Pa motibu di e temperaturanan tropikal durante dia, e evenementu aki a tuma lugá den skuridat, oranan di anochi. E ruta riba kayanan asfaltá i no-asfaltá, un biaha mas tabata un reto grandi, tantu pa e koredónan komo e organisashon. ‘’The biggest challenge of Aruba’’ e aña aki tambe tabata un eksito rotundo.
E ekiponan kada un tabatin nan motivasho pa partisipá na e evenementu. Na diferente parti tabatin esnan ku tabata apoya kantu di kaminda pa enkurashá e koredónan. Una bes nan a yega e fin, e partisipantenan tabata keda risibí kalurosamente, pa e organisashon mes, i a entregá na nan un medaya di partisipashon.
Partisipá ta mas importante ku gana
Ademas di e trabou den ekipo, e espíritu di tim, i e esfera akohedor, e kompetensha aki tabat unu den kua un indivíduo, un duo òf tim, a yega komo promé pasa e final. E mihó tim Militar di e aña aki tabata “DETSXM”, un team di Marinir prosedente di Sint Maarten.
E buelta di Aruba ta un evenementu ku ta keda bin bek anualmente, loke ta nifiká ku esaki ta bolbe tuma lugá otro aña na luna di Mei. Inskripshon pa e di 31 edishon ta habri meimei di luna di Yanüari otro aña.
