E di 21 Evento di Liderasgo Femenino for di 2004, na Kòrsou ta tuma lugá e aña aki ku enfásis riba lidernan femenino komo boluntario.
A skohe e tópiko aki pa para ketu na e echo ku hende muhé ku logra profeshonalmente òf den kualke otro forma, ta kompronde ku komo ku nan a haña oportunidat, ku ta importante pa duna bèk na nan komunidat.
Ya preparashonnan ta kanando pa atrobe krea un tremendo eksperensia pa partisipantenan i ku e dedikashon pa kada unu sali konvensí, ku kurashi i espesialmente pa sa ku nan mester ta mihó di nan mes.
Ta reakshonnan durante último dos dékada a pone ku a sigui ku e konferensianan i e eventonan ku tin huntu kuné.
Inisiadó i organisadó Reyna Joe a splika ku na e momentu aki ta papiando ku hopi bon oradónan prinsipal kendenan ta bai karga e evento di e aña aki.
‘I despues di 20 aña ainda ta un reto pa ekselá ku esaki tambe. Kreando e evento anual aki nos sa ku nos a kontribuí pa esnan ku tabata ke por a benefisiá di oradónan i presentadónan poderoso.
E aña aki e evento prinsipal ta un dia i ta tuma lugá djabièrnè 31 di mei 2024.
E eksperensia ta kontinuá ku un retiro di tres dia den kua ta bai mas profundo riba e tópiko di e aña aki i ta pone énfasis riba desaroyá i alkansá metanan ku ta pone ku niun hende por parabu.
Atenshon ta keda riba no solamente tuma pero pa duna bèk na e komunidat ku a yudabu yega kaminda ku bo ta awe.
Kada hende muhé ku sa ku e meresé di ta den un evento ku ta selebr’é i ku ta pone énfasis riba kiko mas e por hasi mihó, ta invitá pa ta parti di e eksperensia aki.
E konferensia aki a kuminsá na 2004 ku komo base storia i eksperensianan di hende muhé eduká.
E storianan aki a mustra ku muchu hende muhé tremendo nunka ta logra nan potensial kompleto, ku por a duna nan oportunidat pa ta mihó den e kompanianan kaminda nan ta traha i pa komprondé pèrdida di hende ku gran potensial.
I den e tempunan retá aki nos mester di mas profeshonal kendenan tambe pa mayoria biaha ta kuidadó prinsipal di nan famia, pa nan ta stabil profeshonalmente, emoshonalmente, finansieramente i salú.
E aña aki lo rekonosé atrobe un Muhe Sobresaliente manera ya a sosode kaba 19 biaha i ta rekonosé tambe pa di 5 biaha un hóben ambisioso ku e Margaret Star.
Lo pone mas informashon riba e wepsait https://www.reynajoe.com/ i tambe riba página di facebook ‘About Female Leadership’ òf por komuniká via aboutfemaleleadership@gmail.com.
