Detencion di propetario di barbershop na playa

Diaranson mainta den careda di 10’or un grupo di recherchenan di districto a drenta un barbershop den Playa.Un mucha homber cu ta traha den e luga of ta doño di e barbershop a wordo deteni y poni den boei.

E biaha aki no tabata trata di recherchenan di droga. Pues aki ta trata di un caso serio, unda cu un monton di recherche a yega e luga.

A bay over na confisca su auto, cu tabata staciona dilanti e luga, y tambe e tas cu e tabata tin cu ne.Cosnan manera cellular ta sumamente importante y pesey tur esakinan ta wordo confisca. A pidi transportwagen cu mester a hiba e mucha homber aki busca pa husticia warda di Shaba, mas despues takelwagen a presenta y a bay cu e vehiculo tambe.