Debi na e situacion di pandemia cu Aruba haya su mes aden den e ultimo añanan no por a organisa e tan afamado Mercado Santa Rosa. E regstriccionnan cu tabata tin a impidi pa nos como Departamento di Agricultura, Cria y Pesca organisa esaki. Hopi tabata puntra pero no tabata tin un dia fiho cu esaki por a wordo organisa. E parti positivo cu por por saca for di e pandemia ta cu nos a por a tuma nota cu e interes a bira mucho mas grandi pa cu nos productonan local. E demanda tabata hopi bisto. Tin persona te hasta a cuminsa cultiva nan propio producto.
E dia a yega cu porfin Mercado Santa Rosa por wordo organisa. Fecha pa e tan afamado Mercado Santa Rosa aki lo ta diadomingo 25 di september venidero aki na Santa Rosa mes cuminsado for di 8’or di mainta te cu 1’or di merdia. Manera ta e gustumber di Mercado Santa Rosa lo bai tin productonan fresco local pa abo por probecha e cumpra na e un bon prijs. Fruta y berdura lo bo haya den nos mercado di cual nos ta enfoca mas. Otro productonan, Pica, Jam, Cos dushi, Productonan natural y asina nos por sigui menciona tambe lo bo haya. E ambiente familia nunca no por keda afo y ta den nos mercado so bo por haye.
E costo pa participa den nos mercado ta di AWG 25,-. Percura pabo bin cubo stul y mesa pa acumoda bo mes y bo productonan. Pa no crea hopi sushi nos ta hasi un apelacion tambe pa bin cubo propio cups of beker si bo ta desea di cumpra algo di bebe. Ta consehabel pa bin cubo saco di compras tambe debi cu no lo bai tin saco di plastic mas y tambpoco no ta permiti.
Mercado ta wordo organisa parti patras di nos edificio unda nos frutalesnan ta pa asina hacie den un ambiente mas fresco y bunita. Nos a yega di hacie caba na e parti aki y tabata tin bon resultado.
Un apelacion na tur productor local registra y cu por tin productonan fresco sea ta fruta y berdura por tuma contcato cu Departamenteo di Agricultura, Cria y Pesca na tel: 585-8102 pa asina bo tin un lugar sigura pa por ofrece bo productonan na nos bishitantenan riba e dia di mercado.
Un cordial invitacion na henter pueblo di Aruba pa diadominfo 25 di September venidero Mercado Santa Rosa aki mes na Santa Rosa cuminsando for di mainta te cu merdia. Wak pbo tey!!
