Seis aña a pasa y sumanan grandi a wordo hinca den investigación di caso Avestruz. Awo ta parce cu e dossier entrega door di Ministerio Publico a laga hopi di desea den bista di Hues y Corte y cu a yega na un conclusión hopi diferente cu OM. Cu excepción di un caso, unda e visión tabata mescos, den tur e otro casonan Corte a yega na un decisión diferente. Inclusive den e caso contra Benny Sevinger.
Sevinger tabatin seis acusacion contra dje di cual tabatin di haber cu complice di oplichting; passieve omkoping; mal uzo di función; malversacion placa di su fundación Curason Berde; y labamento di placa.
Pa e acusacionnan di Oplichting y mal uzo di función den henter e dossier Hues a bisa no tin nada di esaki. No tin un prueba obhetivo di esey. E hecho cu el a firma peticion geen bezwaar no automaticamente ta nifica cu esaki ta un ordo cu mester wordo ehecuta manera Abath y Sue a bisa. Tin mas comerciante cu el a trata di e mesun manera, pero no a haya tereno. E soborno si ta bay pa declaracion di Rojas, a conclui cu esaki no ta confiabel.
Loke Corte a haya proba ta e ticket cu e Fundacion a paga pa un biahe di su casa, cu a compañe pa un reunion na Europa. Y cu su fundacion a ricibi donacion di un persona cu a haci petición pa un tereno comercial. Esaki ta suficiente pa declar’e culpabel.
Fiscal a pidi un castigo di cinco (5), y cu 10 aña no por participa den eleccion ni ocupa un funcion publico. Corte mirando cu a hay’e culpabel di dos acusacion so y a dune e siguiente castigo.
Corte a conclui cu den e dossier no tin declaracion di testigonan of di sospechosonan unda cu ta mustra cu nan ta consciente di experiencia propio cu Sevinger a comete oplichting. Tampoco tin prueba obhetivo pa demostra cu nan a traha hunto pa comete e delito, pa comete desfalco contra pais Aruba.
Den tur e peticionnan e mandatario a skirbi “gaarne uw medewerking”. E ta parce cu e ta duna ordo pa bisa DIP pa atende cu e peticion, basa riba declaracion di Abath y Tsue. Pero abogadonan a mustra cu tin otro comerciante cu a haya e mesun palabranan riba nan peticion y nunca a haya tereno. Pues no por conclui cu ta un ordo el a duna DIP.
Passieve Omkoping den caso di Harms, Susebeek si a keda proba pa donacionnan cu su fundacion a ricibi na momento cu e personanan ey a haci peticion pa tereno.
E castigo final a resulta den un aña, di cual 6 luna ta condicional, kitando e tempo cu el a pasa deteni, y tres aña di prueba. Tambe durante cinco aña e no por participa en eleccion ni ocupa un funcion publico.
E decision aki despues di seis anja di investigacion no ta mustra loke cu OM kier a demostra y a perde cara cu tanto vrijspraak.