Ta un echo riba impulso di Camara di Comercio
Na 2012 Camara di Comercio i Industria a laga sa den su discurso anual cu Ingles ta un idioma importante pa nos sistema di educacion si nos ke bira un nacion cu ta exporta servicio. Seguidamente na 2019 a bini e rapport di KdK “Ban Sembra Awe pa Cosecha Mayan”, caminda a enfatisa cu mester adapta nos sistema educacional na e contexto internacional i tambe na e necesidadnan di e mercado laboral local en bista pa capacita nos hubentud i forsa laboral den e idiomanan mundial.
Esaki lo facilita nos hobennan pa conecta miho cu mundo i tambe pa nan haya empleo i oportunidadnan comercial na e posibilidad pa haya acceso ilimita na conocemento mundial, recurso i rednan internacional. Datonan di e Oficina Central di Estadistica (CBS) ta indica cu alrededor di 84% di nos empleadonan ta gana nan pan danki na un trabou den e sector di servicio, caminda mayoria di orientá internacionalmente.
P’esei ta gradici KdK grandemente pa observa comienso di dos klas di lushi di Grupo 1 na e scol na Ingles Immersion School St. Antonius College. Tabata na december 2019 cu KdK a invita e directivanan mas grandi di scol, esta Directiva Central di Scolnan Catolico (RKCS), VPCO, Fundacion pa Scol Humanista na Papiamento (FSHP) i Internacional School of Curaçao (ISC), alabes Ministerio di Enseñansa, pa intercambia di idea encuanto e problematica con pa drecha e nivel di e enseñansa local. Durante e reunionnan aki a identifica numeroso punto problematico. Finalmente a presenta seis area di atencion cu e proyectonan corespondiente na e Minister di Enseñansa.
Un obstaculo cu a reconoce rapidamente tabata e dominio deficiente di idiomanan mundial, specialmente Ingles. Miembronan di gerencia di diferente empresa local tambe a mustra e presidente di KvK riba esaki. Ademas, ta importante pa remarca cu diferente investigacion a remarca cu hobennan na scol facilmente ta siña idiomanan (stranhero) si nan cuminsa cu esey na edad hoben.
Pronto despues RKCS a cuminsa haci caso di realisacion di un English Immersion School cu respaldo di ISC. Seguidamente KvK a acerca Consulado General di Merca pa un peticion di financiamento pa por laga investiga e necesidad i un “fact-finding mision”, loke rapidamente a haya aprobacion di US State Department. A base di esey a contrata dos perito riba tereno di idioma cu experencia vasto na diferente pais pa desaroya un curiculo teniendo cuenta cu e cultura i circunstancianan local. E expertonan aki a traha estrechamente hunto cu un grupo di conseho di docentenan activo local pa bini cu e curiculo pa e Gruponan 1 te i cu 5 (klasnan di lushi te i cu di 3 klas), cu pronto despues Ministerio di Enseñansa a aproba.
Loke pa Camara tambe ta importante ta cu muchanan local awor casi gratis por haci uzo di e sistema educacional na e idioma Ingles. KdK ta confia di asina a duna su granito na bienestar di nos hubentud.
KdK ta convenci cu St. Antonius College cu Ingles como idioma di instruccion lo ta hopi exitoso i cu nan lo presenta e comprobante cu e scol aki por brinda e muchanan un futuro glorioso pa motibo di e chensnan enorme cu e studiantenan cu cada scol lo disfruta.
Camara ta expresa e speransa cu mas scol den e tipo aki di enseñansa lo ke brinda e mesun cos. Di pursi, dos encuesta a confirma e necesidad grandi. E prome encuesta di Think-To-Do Institute a mustra cu 87% di e 1000 alumnonan di scol avansa cu a participa na esaki a prefera di a haya enseñansa na Ingles. E di dos encuesta, cu KdK a organisa, a indica cu 88% di e 515 mayornan cu yiu te 6 aña lo ke pone nan yiu na un scol cu tin Ingles como idioma di instruccion. KdK ta confia cu scolnan publico lo ke sigui e ehempel aki.
Finalmente, un bon dominio di e idioma mundial Ingles ta ofrece nos hubentud tantisimo oportunidad, manera acceso na trabou den e industria tecnologico, conocemento i informacion, rednan internacional, enseñansa universitario, propio empresa i exploracion di mundo.
