Despues di 65 aña gobierno Hulandes a admiti por escrito cu Antias NUNCA a keda decolonisa

(Televishon Direct Noticia 13 )Na St Maarten e fundacion pro Soualiga ta di hubelo , corte di prome instancia a confirma dia 7 di mei ultimo cu e estado Hulandes a admiti cu no tin un resolucion cu Nacionnan UNI ,a decolonisa Antia.

Asina presidente di e fundacion sr Denicio Bryson a duna di conoce na medionan. Riba 7 di mei ultimo e  fundacion pro Soualiga na St Maarten a haya finalmente pa locual nan tabata lucha y bringa pe. Esaki ta debi cu e gobierno Hulandes a admiti algo historico. Despues di 65 aña porfin e gobierno Hulandes a admiti por escrito cu Antias NUNCA a keda decolonisa.

Hulanda a admiti cu nan no tin un resolucion cu nacionnan UNI pa decolonisa e islanan. Esaki tabata un meta cu fundacion pro Soualiga tabata busca pa keda reconoci. Sr Denicio Bryson ta hurista y presidente di fundacion pro Soualiga y a traha duro pa e resultado aki.

Segun Sr Denicio Bryson e resultado aki ta significa pa Corsou y tur e 6 islanan cu e base legal y e statuut ya no tin su validez mas. Debi cu e punto di salida di statuut tabata cu e islanan ta decolonisa. Awor cu e islanan no ta decolonisa e Reino mes ta keda y e statuut y ano por fungi mas como un base legal pa e Reino.

E tin consecuencianan hopi serio, pero tambe hopi positivo pa Corsou y e otro 6 islanan. Segun Sr Denicio Bryson e informacion aki ta sumamente importante na e momento aki . E resultado a yega net na ora na e momentonan aki cu e islanan ta pasando den duro.

Sinembargo esaki ta netamente loke cu fundacion pro Soualiga a cuminsa cu e proceso aki. fundacion pro Soualiga a ripara cu COHO ta un proceso hopi penoso pa e islanan. Awor debi cu e islanan nunca a wordo decolonisa nan ta keda riba e lista di teritorionan no decolonisa.

Esaki kiermen, manera Nacionnan UNI a bisa articulo 73 e ora ey Hulanda ta responsabel pa e economico ,social y politico pa e islanan. Esaki kiermen cu ta un obligacion di Hulanda pa percura pa e progreso economico di e islanan.

Pa Corsou  esey kiermen cu no por tin ningun cuenta di prestamo e ta obligacion di Hulanda bao di derechonan internacional pa Hulanda percura pa bienestar economico di Corsou. No por bin cu ningun prestamo mirando cu e ta un obligacion cu Hulanda mester cumpli cu ne. Esaki ta un di e consecuencianan grandi di e admision di Hulanda cu nunca Corsou y e 6 islanan a wordo decolonisa