Despues di casi 4 aña di preparacion, awe presidente di comission Voortgezet Ouderschap, Michella Steenvoorde-Lacle, candidata no. 27 riba e Partido Movimiento Electoral di Pueblo, M.E.P., a haci entrega di e rapport pa implementa un ley cu ta regarda Cie. Voortgezet Ouderschap, e ‘Plan Di Mayor’.
‘Plan di Mayor’ ta pa regula cu mayornan cu separa, por comparti responsabilidadnan pa cu nan yiunan y hunto cu esaki ofrece mediacion familiar preventivo.
Entre otro e mayornan ta yega na acuerdo cu ta na bienestar di nan yiunan menor di edad pa despues di divorcio nan sigui eherce conhuntamente e autoridad paternal riba nan yiunan cu respet mutuo. Na unda e kinderbijslag ta bon regula y tur leynan ta wordo sigui pa cu e mucha su seguridad y bienestar.
For di e Tratadonan Internacional di Mucha e yiu(nan) tin derecho pa tin contacto y relacion cu e mayor cu no tin e cuido diario. Esaki despues di divorcio mayoria bez ta bay no di un manera amistoso na unda ta perhudica e mucha den su crecimento y den su actitud.
Na momento di divorcio un contrato ta wordo firma cu tur e requisitonan pa cuido di e mucha, su scol, kende ta hiba e mucha hasi deporte, cuido diario y mucho mas. Paternidad responsabel na unda e mayornan ta duna otro informacion constantemente encuanto bienestar di e mucha y lo mantene palabracionnan sin interferencia algun.
Den e contract ta keda confirma tambe na momento e mucha bira un adulto y ta bay studia. E areglo di indexering legal ta keda vigente te ora cu e yiu yega na edad di 21 aña.
E palabracion aki na fabor di cada un di e yiunan di e mayornan no mag di cambia mas, di manera cu cada un yiu tin derecho di exigi cumplimento di e palabracion aki, si ta necesario.
E plan di Mayor ta necesario y ta un compilacion di hopi leynan hunto pa formula un base di acuerdo entre mayornan na bienestar di nan yuinan y ta keda vigente y no por wordo elimina, no por desvia, tampoco lubida. E plan di Mayor ta encera articulo 3, 9, 11, 12 y 18 di e derechonan di mucha cu sigur ta promove e seguranza di bida familiar aun despues di divorcio, cu ta pone nos muchanan central.
Cie. Voortgezet Ouderschap Aruba, bao di presidencia di e candidato no. 27 di e Partido M.E.P., tawata tin e honor pa contesta preguntanan na comishon Social di Parlamento en coneccion cu e concepto di ley cu a yega Parlamento.
E commission cu ta traha riba Cie. Voortgezet Ouderschap ta presidencia door di Michella Lacle, Inhoudelijk Adviseur Ministerio di Husticia Seguridad y Integracion. Secretario Bert Wielenga, waarnemend Centro Otropedico Aruba. Miembro fiho Aisca Berkemeyer, Directora Departamento di Voogdijraad.
