Despues cu for di 1:30 di merdia e trabaonan di Departamento Douane y Polis y Imigracion ariba tereno di Astec no por a sigui cu nan trabou pa motibo di interupcion di coriente, pa 4:45 coriente a bin bek na Barcadera.
Pa tres ora largo e trabaonan no por a keda ehecuta, pero problema a keda resolvi. Mientras cu no tabatin coriente EA News por a contact Elmar y a indica cu no tin storing riba hoogspanningslijn y ta pensa cu kisas un-dos percela tin interupcion di coriente. Sinembargo por bisa cu WEB y Elmar a soluciona e problema y Barcadera y departamento di gobierno riba tereno di waf di Barcadera por continua cu nan trabao.
Tipo di situacionnan asina por pasa, pero importante ta pa ASTEC ta mas responsabel y atento y sigur un back up system di delco lo ta hopi importante y esencial pa asina e trabou di papeleo no para y no presenta un situacion cu niun computer no ta funciona debi cu coriente a bay pa cualkier motibo cu por a presenta, ASTEC mester por tin un espacio pa por sigui opera na momento di situacionnan manera esaki.
Asina tambe comercio di Aruba cu no por entrega of saca nan carga no keda perhudica. Tin un dicho ta bisa cliente ta rey y sigur ASTEC tin un bon entrada cu por duna di su parti na momento cu casonan asina presenta.