Den e reunion di parlamento Minister di Finansas a trece padilanti e situacion financiero di Aruba , e cambio di nota y tambe e splicacion di surplus cu Aruba a conoce ultimamente. Minister Xiomara Maduro ta duna di conoce cu e ultimo surplus cu Aruba a conoce ta den 2019 , pero COVID ta bin y ta manda nos finansa atras, pero asina mes a keda traha duro unda cu despues di 3 aña di e pandemia pa otro aña Aruba por conoce un surplus y cu esaki ta cumpli cu e supervision financiero, pero loke cu ta mas importante ta cu ta cumpli cu bienestar di Pais Aruba.
E entradanan ta subi otro aña debi na crecemento economico y pesey den e nota di cambio aki ta contene e siguiente cambionan , dus basa riba e ultimo pronostico di e economic outlook di departamento di economia cu a keda cla recientemente unda cu a adapta e entradanan di crecemento economico na 6.8% pues compara cu locual cu a keda entrega na parlamento anteriormente esey ta un subida di 1.7 % paso a uza e tempo ey 5.1% cu a traha locual ta e presupuesto y awor aki ta adapta e entradanan y esaki lo trece un entrada adicional di 57 miyon florin pa cu e presupuesto.
Segun Minister Xiomara Maduro importante ta cu lo introduci otro aña na juni 2023 ta e intencion pa introduci e BBO na frontera. Den e discusionnan cu tabatin pa locual cu ta e introduccion di BTW na Pais Aruba Gabinete Wever Croes a papia cu stakeholdersnan y den cuadro di esaki a haci cambionan cu tabata necesario. Den e sistema di BTW ya caba ta trece cu ne cu na frontera ta paga esaki y esunnan cu ta uza pa handelsgoederen nan lo por cobra nan fondonan bek.
Segun Minister Xiomara Maduro lamentablemente nos no tin locual cu ta e sosten politico pa e introduccion di BTW, pero esey no a stroba nos den e trabaonan pa sigui den e trabaonan y tambe pa traha na un manera positivo riba locual cu ta e presion cu a bin pa evita e introduccion pa cobra na frontera.
Segun Minister Xiomara Maduro e presion di mas grandi ta e parti di inflacion y esey ta algo cu mester a tene cuenta cu ne na Pais Aruba, pero di otro banda e dialogo tambe a bin dilanti e parti cu caminda ta indica cu entre otro mester por crea pa tur hende cu tin cu paga belasting na Aruba tin cu paga belasting na Aruba pa asina tambe na momento cu introduci otro tipo di belasting of ora di trata cu tarifa di belasting no mester ta necesariamente halto, asina tin e cambionan cu por bay mas miho pa comunidad.
Den tur e discusion aki tambe tabatin e parti di cobramento di BBO na frontera, algo cu prome cu pandemia ya caba e tempo ey pa loke ta trata e reforma fiscal na 2019 ya na e momentonan ey caba a presenta e parti aki como reforma, pero locual cu ta e pandemia a cambia e escenario aki y tambe e plannan di reforma na e momento eynan. Segun minister Xiomara Maduro introduccion di BBO na frontera no a logra mas pero si teniendo na cuenta e situacion financiero y trahando positivamente riba e criticanan cu a keda treci padilanti e ora e decision a keda tuma den conseho di minister di Aruba pa crea e parti aki y tene cuenta cu algun eficiencia economico cu tin na nos Pais y asina pa introduci e cobransa di BBO /BAVP/ BAZV na momento cu ta importa producto handelsgoederen na Aruba.
E BBO na frontera ta premira cu ta drenta na vigor prome di Juni 2023 y lo trece un entrada pa Pais Aruba cu ta calcula na 15 miyon florin. Un otro punto pa crea entrada ta introduccion di un fondo resilencia y innovacion. E pandemia tabatin un impacto serio riba nos finansas publico, pero tambe riba e salubridad di nos Pais y pa Aruba ta bon prepara pa un otro eventualidad ta introduci un cobransa di 15 $ na cada bishitante di nos pais cu lo bay den e fondo pa recilencia y innovacion , e cobransa aki ta bin na luga di e Aruba travel insurance cu a conoce den e momentonan di pandemia. Segun minister Xiomara Maduro e entrada aki 35% ta bay pa e fondo di recilencia y 65% lo bay den caya di pais Aruba, aki ta premira cu caha di gobierno ta haya 25 miyon florin.
No ta trata solamente di e entradanan pero tambe e gastonan di pais Aruba a keda traha riba e parti aki pa asina por reduci mas y pesey mes e gastonan di servicio y producto tambe ta wordo baha mas den aña 2023.
Banda di e cambionan di entrada ta corta 13 miyon florin na locual ta e gasto den e post di servicio y producto di diferente misterio cu lo baha di 217 miyon florin pa 205 miyon florin. Den e nota di cambio tin specifica riba cada ministerio di kico ta e cambionan cu ta bin.
Gastonan di interes ta keda mes un cos 250 miyon florin, gasto di subsidio ta keda mes un cos 214 miyon, gasto di impuesto directo ta subi, e tabata 468 miyon florin y ta bira 477 miyon florin, entrada di impuesto indirecto ta subi di 684 miyon pa 715 miyon, inversion ta keda mes un cos 20%, fiansa pa estudio ta keda mes un cos 26 miyon y gasto di personal ta subi cu 1 miyon, e ta 459 miyon y ta subi pa 460 miyon .
Loke ta e necesidad financiero e ta baha di 1414 miyon ta bira 1325 miyon y locual ta e saldo financiero di pais Aruba e deficit cu tabata di 5 miyon ekivalente na 0.4% di nos GDP , ta bira un surplus di 1 % di nos GDP cual ta 63 miyon florin. Pa locual ta entrada di pais Aruba ta subi di 1532 miyon florin ta bira 1607 miyon florin y e gastonan di Pais Aruba ta baha di 1557 miyon florin y ta bira 1544 miyon florin.
Esaki ta e nota di cambio cu a keda presenta na parlamento den un presupuesto cu ta historico unda cu a brinda tur respet cu tin na parlamento y tambe na leynan di Aruba. Despues di 15 aña ta keda entrega un presupuesto na ora y riba e dia stipula. A traha cu hopi amor y dedicacion na Aruba, ora bo ta kere den bo hendenan y ora bo ta kere den bo Pais y traha cu bon intencion cosnan bon ta pasa
