ORANJESTAD,Aruba
Tur esnan cu ta grita cu nan no kier bai bow di Hulanda ta asina mente chikito cu nan no ta realisa cu semper nos ta bow Hulanda, cu nos ta Hulades cu un pasaporte igual cu tur Hulandesnan Europeo, NOS TIN UN PASAPORTE HULANDES EUROPEO.
Kiko tin hende ta kere cu ora cu Aruba a haya su Status Aparte cu nos a bai para completamente ariba nos pianan, no nos a sali for di e constelacion Antiyano, for di dominio di Corsow, pero kedando den Reino, parteneciendo na Hulanda, manteniendo nos pasaporte Hulandes Europeo cu tin un balor valioso pa nos tur como Arubianonan,
Na november 2006 tabata tin un referendum den Antiyanan Hulandes, na unda e islanan por a escohe entre 4 alternativa, bira independiente, un status aparte, un gemeente o keda manera e tabata ta, esta un Antiya di 5. No a keda Bonairo nada otro pa escohe pa bira un gemeente si e no kier keda bow dominio di Corsow. Bonairo tambe tin su his- storia, na prome lugar nan no a conoce e desaroyo cu Aruba y Corsow a conoce, esta un refineria y despues turismo. Bonairo practicamente no tabata tin un actividad economico potencial. Ariba dje mescos cu na Aruba, Bonairo a conoce un cantidad di politiconan corupto y hasta tin cu a bai sera. Nunca Bonairo tabata conoce un Gobierno stabiel, semper e ta cai na caminda o tabata tin eleccion, esaki a sosode te hasta despues cu nan a bira un gemeente. Pueblo di Bonairo a vota masal pa un gemeente y hasta prome cu realisacion di esaki, e partido cu a gana eleccion a organisa otro referendum y pueblo a bolbe vota pa bira un gemeente. CU OTRO PALABRA HULANDA NO A FORZA NAN PA BIRA UN GEMEENTE, DEN DOS REFERENDUM NAN MES A SCOHE PA ESEY, Otro escohencia nan no tin tampoco, tumando na consideracion cu economicamente nan no por a para nunca ariba nan pia. Bonairo tabata tin otro problema cu nan no tin nan mes un moneda y hunto cu e politiconan Bonaireano a dicidi hunto cu Hulanda pa haci dollar nan moneda oficial. Nan mester a bai costumbra di biba cu e cambio aki, CU NAN MES A ESCOHE DOS BIAHA PE. Mi ta corda cu tabata tin un politico Arubiano di MEP bon conoce cu a ocupa posicion ministerial a bai campanja pa Bonairo bira independiente, loke te ainda ta su deseo pa Aruba tambe haci, esta bira independiente. Hasta un ex Prome Minister siman pasa a declara cu mihor muri ariba pia cu na rudia dilanti Hulanda, palabranan cu semper a ser usa pa paisnan cu ta desea independencia, nan tur dos tin influencia den MEP. Pueblo mi pregunta na boso ta: boso kier bira independiente y perde nos pasaporte Hulandes Europeo? Laga esunnan di MEP bin declara cu nan no ta para tras di e expresionnan aki. Ayera mi a ser yama pa varios hende di Bonairo mes y hasta politico, cu nan ta contento cu e desaroyo cu Bonairo a conoce, bon caretera, bunita hospital, skolnan nobo cu un ensenjansa ariba un nivel sumamente halto, Aruba tur cos pa loke ta trata seguridad, nan tin polisnan Hulandes, cu ekiponan sumamente moderno. E pobresa awe Aruba conoce, nan no conoce, debi cu Hulanda ta sigui yuda nan den tur cos y nan tin tur derechonan mescos cu cualkier Hulandes.
Kiko a resta di nos Status Aparte? Un skelet abusa door di haragannan.Pueblo mester realisa cu apesar cu Aruba tin su Status Aparte, ta Hulanda ta meneha tur asuntonan ariba tereno Internacional, defensa, diplomacia etc. Ta Hulanda mester bai di acuerdo pa Aruba haci prestamo Internacionalmente, loke nan a bin ta haciendo desde cu Aruba a haya su Status Aparte, fia placa pa cubri e deficit den presupuesto di nos pais.
Ta 6 anja pasa cu Gobierno Hulandes a forza Aruba pa aproba un ley den Staten pa Aruba permiti Hulanda controla e finanzas di nos pais completamente, Di eynan a nace CAFT. Pakiko, pasobra Hulanda kier a para e deroche di placa, mal gastamento di placa cu ta tumando lugar despues di nos Status Aparte, politiconan cu pensioennan di 20, 30, 40, 50 y hasta mas cu esey pa luna, pueblo pa luna, Overbrugginstoelage cada cu Gobierno cambia pa tanto parlamentarionan y ministronan cu den transcurso di anjanan a acumula na miyones y miyones di florin, Nos tin hopi miyonario ariba nos pais cu placa di pueblo. E ABUSO AKI PUEBLO KIER PA SIGUI TUMA LUGAR? Mi ta corda e dia cu a pasa e ley pa bin CAFT, nos actual Prome Ministro a hiba palabra y insulta Mike Eman pa traidor door cu e a bende nos Status Aparte. Loke ta berdad, debi cu ki bal bo tin un Status Aparte y ta Hulanda, mirando e abusonan cu tabata tumando lugar, ta dicidi con nos mes mester traha y maneha nos finanzas publico. Un pais liber sin por para ariba su financieramente, ta un pais cu no tin un Status Aparte. PUEBLO CU VIRUS AKI NOS DEBE NACIONAL LO MONTA SEGUN EXPERTO CU MI A PAPIA CUNE DEN E DIANAN AKI NA 4.5 BIYON, E TA ALGO DESASTROSO PA UN PAIS CHIKITO CU NO TIN UN ENTRADA FIHO, PERO TA DEPENDE DI TURISMO, UN ECONOMIA HOPI DEBIL Y INSIGUR. Actualmente ken ta yudando Aruba pe sobrevivi? NOS MADRE PATRIA CU DESDE 1854 NOS TA PERTENECE NA DJE. DANKI DIOS CU NAN TA UN DI E PAISNAN MAS RICO DEN MUNDO, SINO TA CON?
Mientras cu politiconan a sigui goza nos pueblo a sigui bira mas pober, hopi pober, famianan bibando sin luz, sin agua, sin CUMINDA. Muchanan chikito ta bai skol sin banja, cu hamber na stoma, Jesus a bisa converti bo mes manera un mucha lo bo drenta Reino di Cielo, hopi lo no drenta pa e abuso grandi cu nan ta haciendo cu nos criaturanan, Hendenan para den rij pa busca cuminda, dolor na mi corazon mi ta scirbi esaki, debi cu mi senjora, mi mes y mi yiunan, ta purba yuda unda cu nos por pa sikiera e pobernan tin un cuminda ariba mesa, sikiera un cuminda mi ta ripiti, pasobra no tin mas. ARUBA TA POBER Y LO BIRA PEOR DEN E LUNANAN NOS DILANTI.
Kiko ta un “gemeente”:Pueblo cada 4 anja ta vota pa scohe esnan cu lo bai representa nos, na Bonairo nan a mantene diputadonan, aki nos por keda cu e Parlamento, lo bai tin un gezaghebber cu lo dirigi e Gobierno. Nos ta keda cu nos bandera, himno y moneda y si turismo recupera, cu un bon maneho nos ni mester di Hulanda financieramente. Hulanda lo sigui controla e finanzas di nos pais, loke ya e ta haciendo caba. Simplemente nos Status Aparte, lo bira un gemeente, na unda nos lo bai goza di tur previlegionan cu un Hulandes Europeo tin. Encuanto hisa belasting, esey ta keda pa e gemeente dicidi, google y lesa e leynan pa un gemeente, Tur buelonan for di Hulanda y Europa lo bira buelonan Nacional, mescos cu nos tin cu Merca awor,
Tur cu ta insulta mi manda mi bai biba na China o Hulanda ta estilo di Mepistanan raha cu ta bin cu insultonan anticua y bow nivel. Un cos mi por bisa cu mi ta un Arubiano, yiu di un mama faam Geerman di Sta. Cruz, di un tata Chinees cu mi ta orguyoso di dje. Un Arubiano orguyoso di por bati ariba mi pecho cu semper mi a haci hopi, pero hopi trabownan bolunatario, for di mi 13 anja di edad te ainda. Te ainda mi ta yuda unda cu mi por, pasobra esey ta den mi sanger, yuda hende, haci trabow bolutario. No tin un hende ariba e pais cu por bisa cu Atan sr. por a nenga nan un conseho, mi cas tabata y ta semper habri pa mi pueblo, TA MI PUEBLO A HACI MI E PERSONA CU AWE MI TA. Mi humildad mi ta muri cune, na semper respet, balor y norma ta bin na prome lugar, Mi kier a gradici tur e e-mailnan cu mi a ricibi, yamada, message, whasapp cu mi a ricibi, ofreciendo nan apoyo y ta cla pa yuda. TIN PROFESIONALNAN CONOCI Y STUDIA DEN NOS COMUNIDAD CU TA TRAHANDO ARIBA E REFERENDUM Y TA CLA PA YUDA PA CABA Y SALBA LOKE AINDA POR SALBA. YA NOS POR CONTA ARIBA 1000 FIRMA.
CU HOBENNAN BON STUDIA NOS POR CAMBIA E RUMBO DI NOS PAIS, NOS CU ENCIANONAN CU PENSIOENNAN HALTO AINDA TA BIN GANA FL. 25.000,00 PA LUNA. NOS HOBENNAN TA INTELIGENTE Y NOS POR TIN CONFIANZA DEN NAN.
MI TA GRADICI DIOS CU E A DUNA MI E INTELIGENCIA PA ASINA MI POR HABRI WOWO DI NOS PUEBLO, SIN MIEDO DI CRITICANAN BAHO Y VIL, PA TERMINA CU E BAGAMUNDERIA CU A TUMA LUGAR DESPUES DI E STATUS APARTE DI NOS PAIS.
MI TA ORGUYOSO DI MI PASAPORTE HULANDES EUROPEO Y HOPI TA PENSA MESCOS CUMI.
Mi ta desea di aclarea cu esaki no tin nada di haci cu partido RAIZ, PERO TE AINDA TA UN LUCHA DI ATAN LEE SR, BOSO HUMILDE SIRBIDO CU TA REZA Y STIMA BOSO HOPI. HUNTO NOS LO VENCE Y GARANTIZA ARUBA UN GRAN FUTURO PA NOS CRIATURANAN, KENDENAN AWE TIN UN DEBI DI 4.5 BIYON ARIBA NAN CABEZ Y AINDA E VIRUS NO A PASA.
