diasabra mainta tabata uno menos keto cu normal, hopi fanaticonan di deporte aki na Aruba por a convivi hopi na cerca e recorido di e hoben atleta Disjonrick y multi alteta Brainer cu hunto a sa di destaca den e competencia internacional ironman unda nan espirito deportivo sin limite a asombra e mundo di ironman y deporte un biaha mas
E hoben atleta conhuntamente cu e multi atleta di beyond sport limit foundation a sa di representa Aruba ayera na ironman maryland unda nan a asombra tur participantenan y tambe tur cu a presencia esaki. Nan ta simplemente un ehempel bibo di tur loke nos hobennan y atletanan por logra sea ta den Aruba of internacional, esaki ta laga nos mira con hopi nos por haci y alabes purba sin miedo y sin limite.
semper nos ta cla pa limita nos mes den haci cierto cosnan cu nos nunca no a wak of purba, pero cuanto cos y cuanto soño nos por logra ta sin limite. Nos por purba y expresa nos talento nan y pasion sin mester wanta nos mes atras. Nos por bay afo y mustra kico tur nos como un isla chikito pero grandi den talento por haci den diferente area.
No ta disjonrick so ta e unico hoben cu a destaca den e weekend cu a pasa pero tambe multi atleta Rebecca Jansen cu a sa di gana un medaya di ora aya na Hulanda unda e ta haciendo su estudio. tur atleta tur hoben y tur persona por logra asina tanto den nos pais y internacional nos mester por purba y sigui sin miedo di e limite cu nos ta kere nos por enfrenta, te ora nos pusha y sigui purba nos lo sa e bunitesa di pasa e limite cu nos mes ta pone pa nos mes.
Diasabra mainta tambe nos por a convivi na Aruba mes aya na e parkinglot di Gloria Aruba e gran careda di fruminga unda diferente mucha di diferente edad a sa di destaca. nos por a mira con nos prospecto nan den e area di atletismo a sa di representa nan mes y nan grupo pa bay cu e titulo maximo.
por ultimo, un diasabra cu hopi movecion den area di deporte internacional y aki na Aruba mes. ta bunita wak e empeño duna den e area aki pa asina e sigui crece. Nos mester ta hopi orguyoso y contento di tur loke nos atleta nan ta logrando.
