E departamento di bombero di Hulanda Caribence BKCN a tuma tres hoben cu a drenta den servicio. Ta trata aki di Dalton Barnes,Tyanne Nicholson y Noah Mattew. E tres hobenan aki lo forma parti di e team di bombero na SABA.
Debi cu tin necesidad di mas personal, BKCN a inicia e proceso di reculta pa SABA, St. Eustatius y Boneiro. Despues cu e investigacion a tuma luga door di hefe di brandweer Julio Every e tres hobenan di SABA tur menos cu 21 aña a keda escogi pa e ekipo local despues cu nan a keda entrevista. E tres hobennan a cuminsa traha oficialmente na BKCN dia 3 di october 2022 unda cu nan lo cuminsa cu nan enseñansa formalmente pa asina nan bira bombero y keda yama den futuro como “Manschap A “ pa fin di november.
E curso aki tin un duracion di 9 luna pa 1 aña . E estudio ta tuma luga y practicanan ta tuma luga riba e tres islanan den Reino Hulandes y e lesnan ta na Hulandes. Tambe BKCN SABA a contracta un persona pa por duna Hulandes basico pa 4-6 siman pa asina prepara e hobennan miho pa e curso pa fin di november.
Barnes, Nicholson y Matthew actualmente ta conociendo e departamentonan di bombero durante oranan di mainta y despues nan tin les na Hulandes den oranan di atardi di dialuna pa diahuebs. Riba diabierna e tres hobennan ta practica e rutina di limpieza y mantencion general hunto cu e resto di e ekipo .
E hefe di bombero Every a duna di conoce cu e hobennan tabata hopi contento y nan tambe como mando ta sumamente contento cu e recultacion pa hobennan nobo den e mundo di bombero. Ta importante pa promove hoben nan di SABA pa nan uni na e organisacion di bombero. Ta hopi importante di por mira hobennan cu ta desea di drenta den e mundo pa yuda hende. Nos ta orguyoso di nan , asina gobernador di SABA Jonathan Johnson a expresa.
