Deonarine Fluonia propietario di Protective Intelligence ta traha riba e islanan ABC, Aruba Boneiro, Curacao y awo ta inclui St Maarten tambe. Cada un di e islanan aki ta depende di turismo y tin hopi hotel cu ta pidi e servicio pa e siguridad di nan guest nan.
Hopi di e clientenan tin seguronan grandi y un di e exigencianan ta cu unda cu nan biaha nan mester ta sigura y hopi biaha e seguro mes ta paga pa e servicio di Bodyguard pa cu proteccion durante di nan estadia.
No ta desconoci cu e islanan den Caribe ta biba di turismo, hopi turista ta busca informacion tambe di cua ta e islanan di mas safe pa nan por biaha y disfruta di nan vakantie. Sinembargo islanan manera Jamaca no ta wak e proteccion di e cliente so , pero tambe ta wak cada un di e trahadonan nan proteccion.
Den tipo di trabaonan manera Bodyguard, miedo no mester existi, pesey mes constantemente ta train y hisa e calidad di training tambe. E focus actualmente ta pa crece bira grandi y pa traha riba un solo tarifa cu tur hende mester respeta. No mester ta asina cu companianan ta keda lanta unda cu no ta ni inscribi y tampoco ta paga belasting pero cu ta yama nan mes Bodyguard pero nan no ta capas di ta un Bodyguard realmente.
Bodyguard tur hende por hacie, pero sa realmente kico ta e trabao y funcion di un Bodyguard no ta tur hende por haci. Ta importante pa keda den nivel y exigi un prijs cu bo bal atrabes di e experencia y e estudio haci como Bodyguard pa asina duna e servicio na e cliente manera e merece y pa e placa cu e ta paga pe.