Den oranan di mainta e caso di flamingo a keda treci padilanti na unda cu e politico Otmar Oduber tabata den corte for di 8 or di mainta pa asina hiba su defensa. Den e caso aki Abogado Vito Carlo y Demis Illes ta representa Otmar Oduber den e caso di Flamingo. Na salida abogado Vito Carlo ta duna di conoce cu den su carera di 18 aña como abogado ta prome biaha cu lo trece e punto di no admisibel den e parti preliminar di un caso penal. Esaki kiermen cu ta pidi Hues di antemano sin trata e caso pa declara ministerio no admisibel paso aproposito a trapa cierto leynan fundamental den un caso penal.
Awe a presenta e caso unda a presenta e 7 sospechonan di BCI, cu na final di dia awe Otmar no a bin corte pa esaki ,pero pa full otro cos, pero esey ministerio publico sabiendo cu e informacion tabata falso cu no por a controla esaki tog a uza e informacion pa drenta y haci un entrada hudicial na cas di Otmar Oduber unda cu a detene e ex mandatario , verhoor y aproposito gaña un hues comisario cu esey ta e caso.
Esnan cu a presenta e caso a dies gaña Otmar Oduber, gaña abogado , pero tambe algo cu ta hopi mas pio ta gaña un hues comisario. Sinembargo Abogado Vito Carlo ta duna di conoce cu e ta durf di bisa cu si e hues comisario e tempo ey tabata sa cu e informacion cu nan tin di BCI nunca lo e la duna un ordo pa drenta cas y tampoco laga Otmar Oduber wordo deteni e tempo ey.
Na momento cu un otro Hues comisario a trata un otro peticion pa Otmar Oduber Keda 16 dia den detenshon , esaki tabata despues cu Otmar Oduber a sali liber a bin ta haci Otmar Oduber sospechoso di un TCI na momento cu Marisol Lopez Tromp a declara.
E tempo ey Otmar Oduber mes a tuma e decision di bay kadaster busca informacion y por a desbarata full e declaracion di TCI, asina a traha un carta y a entrega esaki. Segun Abogado Vito Carlo aki un biaha mas por a mustra ministerio publico y LR sabiendo cu e informacion ta falso y of cu nan mester haci nan investigacion pa sa cu e por ta falso tog a uza e material pa asina purba di convence hues comisario pa Otmar Oduber bay cera un biaha mas. Ministerio publico a logra paso Otmar Oduber a bay bek cera y mester a bay bek KIA.
Segun abogado Vito Caro e denuncia di Marisol Tromp tin dos cos cu por a pasa, of marisol a haci denuncia falso of Lands recherche a haci mal uzo di e situacion politico, sinembargo abogado Vito Carlo ta kere cu ta tur dos a keda implementa den e caso aki.